Punësimetnëadministratë,pd-ps përplasennëkëshillineintegrimit
Balla: Shqipëria në momentin më të mirë për vlerësimet për administratën Tabaku: “10 mijë persona u punësuan në tre muajt e fundit të 2020”. Ahmetaj: “Epamundurtëfutëshsotnëadministratënpublikepaprocedurë”
Mbledhja e Këshillit të Integrimit u shoqërua me debate mes maxhorancës dhe opozitës për administratën publike dhe rolin e saj në procesin e integrimit.
Kryetarja Jorida Tabaku tha se korrupsioni sot nuk është korrupsion banakësh dhe se nuk luftohet me konferenca. “Sot korrupsioni nuk është korrupsion banakësh. Nuk luftohet me plane integriteti apo konferenca. Janë punësuar 10 mijë persona gjatë tremujorit të fundit të 2020. Raporti i OSBE/ODHIR ngre shqetësime për punësimin gjatë fushatës elektorale si edhe me përdorimin e aseteve publike. Trajnimi i administratës publike mbetet problematik për procesin e integrimit. Pavarësia politike,
punësimi me meritë, përgatitja dhe trajnimi mbeten ende sfidë e vendit. I gjithë përafrimi i legjislacionit me Be-në do të realizohet nga administrata publike dhe sot progresi për përafrimin e legjislacionit është mjaft i ulët”, tha Tabaku. Bashkëkryetari Taulant Balla u
shpreh se: “Shqipëria sot është në momentin e vet më të mirë për sa u përket vlerësimeve për administratën publike”. “Unë besoj që si sot një javë Këshilli Europian do të arrijë të zhbllokojë një in-pass që ka hyrë procesi i zgjerimit përmes vetos bullgare ndaj
Maqedonisë së Veriut. Unë ende besoj që lidershipi i udhëheqësve të vendeve të Be-së do arrijë të gjejë një zgjidhje që Shqipërisë t’i caktohet data për mbajtjen e Konferencës së Parë Ndërqeveritare. Sot është momenti për t’u dakordësuar për mënyrën e rishikimit të ligjit për rolin e Kuvendit të Shqipërisë në procesin e Integrimit Europian. Shqipëria është shumë përpara në kapitujt 23-24 me vende që tashmë po negociojnë”, tha Balla. Por, Tabaku iu përgjigj duke thënë se: “Shqetësimi im është që edhe nëse negociatat hapen nesër, administrata shqiptare nuk është gati. Duhen 6 muaj që të ngrihen strukturat e posaçme për procesin e negocimit. Qeveria shqiptare duhet të kishte punuar. Bie dakord me ju për ligjin e procesit të integrimit dhe rritur rolin monitorues dhe mbikëqyrës të Parlamentit”. Gjatë raportimit të tij, zëvendëskryeministri Arben Ahmetaj u shpreh se administrata aktuale nuk krahasohet me atë që ka qenë kur PS erdhi në pushtet. “Në 2014 është votuar ligji i administratës publike, që ka konsoliduar të gjithë praktikën. Që nga mënyra se si merren në punë, si vlerësohen, praktikisht sot administrata është ndryshe dhe është e pamundur të futësh sot në administratën publike nëse nuk kalon procedurat tashmë të konsoliduara të marrjes në punë. Në raportin e Ke-së thuhet se ka një balancim mes arritjeve dhe njohjes së tyre. Ky raport është udhërrëfyes për administratën publike. Do vazhdojmë për përmirësimin e saj. Administrata publike mund të quhet larg asaj administrate të politizuar. Sot ka administratë në të gjithë komponentët e vet. Administrata s’ka të krahasuar me atë që ka qenë”, tha Ahmetaj. Gjatë mbledhjes pati edhe një debat për ironitë dhe etiketimet duke e ndërprerë për 5 minuta.