U dënua për trafik droge, sekuestrohet hoteli luksoz
Korçë, kush është pronari i vërtetë dhe si u arrestua nga operacioni ndërkombëtar. Ndërtesa u regjistrua në emër të një të moshuare
Një hotel me vlerën e 150 milionë lekëve të vjetër u sekuestrua nga Policia e Korçës me urdhër të Gjykatës. Hoteli në pronësi të një 35-vjeçari, dyshohet të jetë ndërtuar nga aktiviteti kriminal në fushën e lëndëve narkotike.
Një ditë më parë, Policia tha se ka ekzekutuar vendimin e Gjykatës së Korçës, i marrë më 8 qershor 2022. Hoteli ishte në pronësi të një 60-vjeçareje, ndërkohë që i afërmi i saj dyshohet ta ketë ndërtuar hotelin “Tree Hotel” me para të pista nga aktiviteti në fushën e narkotikëve. “Sekuestrohen pasuri që arrijnë vlerën 15.100.000 lekë, në pronësi të një 35vjeçari me precedent penal në fushën e prodhimit dhe shitjes së narkotikëve. Në vijim të punës për identifikimin dhe gjetjen e aseteve kriminale që rrjedhin nga veprimtaria kriminale, specialistët e Seksionit për Hetimin e Krimit Ekonomikfinanciar në Drejtorinë Ven
dore të Policisë Korçë kishin dërguar materialet paraprake hetimore në Prokurorinë pranë Gjykatës së Rrethit Gjyqësor Korçë, e cila ka regjistruar procedimin penal për veprën penale ‘Pastrimi i produkteve të veprës penale ose veprimtarisë kriminale’. Në zbatim të këtij procedimi, nën drejtimin e Prokurorisë pranë Gjykatës së Shkallës së Parë Korçë, pas një periudhe dyvjeçare hetimesh, u bë ekzekutimi i vendimit të datës 08.06.2022, të Gjykatës së Rrethit Gjyqësor Korçë, për vendosjen e sekuestros preventive për një pasuri me sipërfaqe 182 m² truall, ndërtesë 147 m² dhe kat shtesë 176 m², në rrugën ‘Naum Voskopoja’, Korçë. Kjo ndërtesë funksiononte si hotel dhe ishte në pronësi të shtetases L. K., 60 vjeçe, banuese në Korçë”, sqaroi Policia. Pasuria, sipas Policisë, ka rrjedhur nga aktiviteti kriminal i 34-vjeçarit, Erion Demolli, i cili aktualisht rezulton i dënuar për “Prodhimin dhe shitjen e narkotikëve”. “Të ardhurat e fituara nga aktiviteti kriminal, ky shtetas dyshohet se i ka investuar në biznesin në emër të shtetases L. K., me të cilën ka lidhje familjare”, sqaron Policia.
Kush është Erion Demolli Erion Demolli u arrestua
gjatë vitit 2019 në kuadër të operacionit të koduar “Limit”, operacion i cili goditi katër grupe kriminale në fushën e trafikut të drogës në drejtim të Greqisë. Nga hetimet ka rezultuar se anëtarët e grupit kriminale sillnin fara kanabisi nga Holanda dhe i kultivonin ato në Shqipëri. Më pas droga trafikohej drejt Greqisë e vendeve të tjera të Be-së, ku këto grupe kriminale kishin ngritur rrjetin e vet të shpërndarjes së lëndëve narkotike të llojit kanabis e kokainë. Nga operacioni, detajet e të cilit u bënë publike më 12 shtator të vitit 2019, u zhvilluan kontrolle në Tiranë, Durrës, Fier, Vlorë, Gjirokastër dhe Korçë, duke lëshuar gjithsej 65 urdhër-arreste. Operacioni u organizua pas tri vitesh
hetime. “Gjatë periudhës së hetimit 2016–2019, nga autoritetet policore greke janë arrestuar 34 persona, të cilët ushtronin aktivitetin kriminal të trafikimit dhe shpërndarjes të narkotikëve. Policia greke gjatë operacioneve të kryera ka sekuestruar rreth 200 kg kanabis, 3.5 kg kanabis në formë çokollate dhe 1.3 kg kokainë. Operacioni ka vijuar mëngjesin e sotëm në disa qarqe të vendit, ku u angazhuan rreth 300 forca policore. Gjatë hetimit u bë e mundur të dokumentohej aktiviteti kriminal edhe i 31 personave të tjerë në Shqipëri, duke u finalizuar me ekzekutimin e masave të sigurisë për 23 prej tyre, ndërsa 8 të tjerë janë shpallur në kërkim”, sqaronte Policia.