Apeli lë në fuqi sekuestrot e pasurive të vëllezërve nga Rrësheni
Gjykata e Posaçme e Apelit për Korrupsionin dhe Krimin e Organizuar ka lënë në fuqi vendimin e konfiskimit të pasurive të tre anëtarëve të familjes Prenga. Artan Prenga, Nikolin Prenga dhe Arta Prenga kërkuan rrëzimin e vendimit të Gjykatës së Posaçme të Shkallës së Parë për Korrupsionin dhe Krimin e Organizuar, mbi konfiskimin e disa pasurive. Trupi gjykues, me kryesues Dhimitër Larën, anëtare Miliana Muçën dhe Saida Dollanin, vendosi që të mos ndryshojë vendimin e një shkalle më poshtë, duke lënë në fuqi sekuestrimin për një apartament banimi me sipërfaqe 102 m2, kati i dytë, në godinën në ndërtim pranë çerdhes së qytetit Rrëshen. Apartament banimi në Rrëshen, Mirditë, me sipërfaqe totale 74,87 m2, në pronësi të shtetases Arta Ndrec Prenga.