Konflikti në Ukrainë, në fazë kritike

Zyrtarët e inteligjencës perëndimore dhe ushtarake besojnë se lufta e Rusisë në Ukrainë është në një fazë kritike, që mund të përcaktojë rezultatin afatgjatë të konfliktit, sipas burimeve të shumta të inteligjencës amerikane dhe asaj perëndimore. Ushtria e Ukrainës po përdor municionet e epokës sovjetike, që u përshtaten sistemeve të vjetra, ndërsa vendi i kërkon Perëndimit të dërgojë më shumë armatime të rënda, ndërkohë që Rusia ka pozicionuar artileri të rëndë rreth dy qyteteve me rëndësi strategjike në Ukrainën Lindore.