BE nënshkruan marrëveshjen e gazit me Izraelin dhe Egjiptin

Si pjesë e lëvizjeve së Bashkimit Europian për t’i dhënë fund varësisë së saj në furnizimet me gaz nga Rusia, blloku ka nënshkruar një marrëveshje me Izraelin dhe Egjiptin për ek- sportin e gazit natyror, ndërsa lufta në Ukrainë ka hyrë në muajin e saj të katërt. Marrëveshja e nënshkruar në Kajro, nënk- upton që Izraeli të dërgojë më shumë gaz përmes Egjiptit, i cili ka logjistikën për ta kthyer atë në gjendje të lëngshme dhe për ta eksportuar më pas përmes detit. Presidentja e Komisionit Evropian, Ursula von der Leyen, tha se memorandumi i mirëk- uptimit për gazin (MOU), i nënshkruar në Kajro, me Egjiptin dhe Izraelin, është një “marrëveshje historike”. Ndër të tjera, Von der Leyen theksoi se “po ndërtojmë një infrastrukturë”, e cila duhet të jetë e gatshme edhe për “transportin e energjisë së pastër të së nesërmes”, përkatësisht hidrogjenit. Vitin e kaluar, BE importoi afërsisht 40 për qind të gazit nga Rusia, dhe për shkak të kësaj, ka pasur vështirësi në vendosjen e sanksioneve ndaj Rusisë. Ministrja izraelite e Energjisë, Karin Elharrar, tha se marrëveshja ishte rezultat i pushtimit rus të Ukrainës, i cili shkaktoi një krizë energjetike në mbarë Europën. Ajo tha gjithashtu se kjo thekson rritjen e bashkëpunimit midis Egjiptit dhe Izraelit, dy shtete që kanë pasur armiqësi mes tyre. “Kjo është një deklaratë për ata që shohin në rajonin tonë vetëm forca negative, si përçarja dhe konflikti”, tha ajo. “Ky Memorandum Mirëkuptimi na tregon se ne po hapim një rrugë të re partneriteti, solidariteti dhe qëndrueshmërie”. Ministri egjiptian i Naftës, Tarek el-molla, e përshkroi marrëveshjen si “një moment historik të rëndësishëm” për bashkëpunimin midis Egjiptit, Izraelit dhe Be-së. Ai tha se kjo do të çojë në bashkëpunim të mëtejshëm midis anëtarëve të Forumit të Gazit të Mesdheut Lindor, ku bëjnë pjesë Jordania, Izraeli, Qipro, Greqia, Egjipti, Franca dhe Italia.