FSHEHU ARRESTIMIN NË GREQI, KQZ I HEQ MANDATIN
Agim Kajmaku u zgjodh kryetar i Bashkisë së Vorës në zgjedhjet njëpartiake lokale më 30 qershor të 2019-ës. Pas akuzave të opozitës se ai ishte i arrestuar në flagrancë dhe po ndiqej nga institucionet e drejtësisë në Greqi dhe nuk e kishte deklaruar këtë fakt në formularin e dekriminalizimit, duhej të jepte dorëheqjen. Prokuroria vërtetoi se Agim Kajmaku ishte arrestuar në Greqi me emrin Jorgo Toto, fakt të cilin nuk e kishte deklaruar. Pas disa muajsh akuza nga opozita dhe mbrojtje nga maxhoranca dhe Kryeministri Rama, Komisioni Qendror i Zgjedhjeve, me votë unanime, vendosi të shpallë të pavlefshëm dhe përfundimin e parakohshëm të mandatit të funksionarit publik z. Agim Ymer Kajmaku, në fillim të nëntorit, në shkelje duke mashtruar me formularin e dekriminalizimit. Kajmaku u arrestua edhe në Shqipëri, por më pas u la i lirë.