IBRAHIMAJ: AKUZAT E PD PËR EKONOMINË, THASHETHEME

Ministrja e Ekonomisë, Delina Ibrahimaj, ka akuzuar opozitën se hedh baltë ndaj qeverisë në lidhje me ekonominë, pa u bazuar në shifra, por në thashetheme. “Bazohuni vetëm te shifrat. Mos dëgjoni fjalë lart e poshtë. Për një politikë fiskale të duhur, në momentin e duhur. Këtë e tregon shifrat e borxhit, ju e përmendët disa herë gjatë fjalës suaj. Institucionet ndërkombëtare e duartrokasin marrjen e eurobondit vitin e kaluar. Ne kishim një nivel borxhi 74.5% në vitin 2020 dhe në vitin 2021 e çuam nivelin e borxhit 73.1%. Shifrat janë matematikë. Nuk janë opinion. Unë dua të rikthehem te raporti i BSH, që bën një analizë ekselente. Rritja ekonomike gjatë vitit 2021 ka ardhur për shkak të rritjes së ofertës, si asaj të brendshme dhe asaj të jashtme”, tha Ibrahimaj.