Sqarimi i SPAK për urdhrin kërcënues

“Nisur nga interpretimet e bëra në media, lidhur me urdhrin e prokurorëve të Prokurorisë së Posaçme Kundër Korrupsionit dhe Krimit të Organizuar, datë 14.06.2022 ‘Për ruajtjen e sekretit, ndalimin e publikimit të akteve dhe përmbajtjes së tyre’ sqarojmë se ky urdhër i është komunikuar në datën 16.06.2022 gazetarit E. Q., kundrejt nënshkrimit për marrjen dijeni, pasi gazetari ka publikuar disa të dhëna sekrete, që shkonin përtej vendimit të gjykatës me objekt caktimin e masave të sigurimit personal ‘Arrest në burg’!

Sqarojmë se Prokuroria, këtë urdhër ia ka adresuar vetëm një gazetari dhe për arsyen konkrete të sipërcituar. Prokuroria e Posaçme Kundër Korrupsionit dhe Krimit të Organizuar po kryen të gjitha veprimet hetimore të nevojshme për të sqaruar rrethanat në të cilat informacioni hetimor sekret është transmetuar te personat që më pas e kanë publikuar atë...”.