“Bashkëpunimi ekonomik”, Shqipëria u prezantohet investitorëve gjermanë
Taulant Balla: Synojmë rritje të prezencës së kompanive gjermane Kreu i Bordit të Organizatës për Tregti të Jashtme në Gjermani: Keni potencial interesant për energjinë dhe burimet natyrore
Qeveria shqiptare po bën çdo përpjekje për prezantimin e Shqipërisë para investitorëve të huaj, në mënyrë të veçantë investitorëve nga Gjermania. Synohet rritje e prezencës së kompanive gjermane në Shqipëri.
Këtij synimi do t’i shërbejë edhe konferenca e paralajmëruar dje nga kreu i Grupit Parlamentar të Ps-së, Taulant Balla, me organizatën gjermane “BWA”. Kryetari i Bordit të Organizatës Federale për Zhvillim Ekonomik dhe Tregti të Jashtme në Gjermani, Michael Schumann, ndodhet në një vizitë në Tiranë. Balla zhvilloi një takim me Schumann, ku në fokus të diskutimeve ishte krijimi i urave të bashkëpunimit ekonomik mes vendit tonë dhe Gjermanisë. Taulant Balla njoftoi se në vjeshtë do të organizohet një konferencë për të prezantuar Shqipërinë dhe mundësitë që krijon për bashkëpunim ekonomik. “Biem të gjithë dakord që duhet të kemi më shumë prezencë të kompanive gjermane në Shqipëri dhe kemi dakordësuar që në vjeshtë të organizojmë një konferencë, një prezantim të Shqipërisë në Gjermani, me qëllim që anëtarët të njohën më në detaje me ofertën ekonomike, investimet në Shqipëri dhe më pas të kemi një numër sipërmarrësish shqiptarë për ndërtimin e urave të bashkëpunimit. Bizneset më pas të kalojnë në këtë urë. Gjej rastin të shpreh mirënjohjen tonë më të thellë për mbështetjen gjermane në planin ekonomik dhe politik. Ta çojmë në një dimension të ri këtë bashkëpunim mes dy vendeve tona”, theksoi Balla. Kreu i Grupit Parlamentar të Pssë u shpreh se “ne do të vazhdojmë të punojmë ngushtë me Gjermaninë dhe, ashtu siç e kam thënë, bashkëpunimi i shkëlqyer, niveli më i lartë i marrëdhënieve politike ndonjëherë mes dy qeverive mes Kancelarit Scholz dhe Kryeministrit Rama, duhet shoqëruar tashmë edhe me një numër më të madh të prezencës së kompanive gjermane. Prandaj edhe BWA, është
në Shqipëri pikërisht për ta konkretizuar dhe për ta çuar në një dimension të ri ekonomik dhe tregtar mes dy vendeve tona”. Balla përmendi se: “Pjesa më e madhe e qyteteve të Shqipërisë përfitojnë nga investimet gjermane në rrjetet e transmetimit të energjisë, ujit të pijshëm, kanalizimit të ujërave të zeza dhe kjo është një gjë e shumë e çmuar dhe e rëndësishme”. Nga ana tjetër, Schuman deklaroi se Sh- qipëria ka mjaft oportunitete interesante dhe se në vijim do të konkretizohen dhe bashkëpunime mes dy qeverive. “Kjo vizitë ka kohë që përgatitet, sepse sho- qata jonë prej 20 vitesh ka ndihmuar shumë kompani gjermane për të zbuluar mundësitë në tregjet në zhvillim, e në këtë plan, futet edhe Shqipëria. Në çdo krizë dalin shumë mundësi të reja dhe kemi një potencial të madh në Ballkanin Perëndimor dhe Shqipërisë dhe se kemi një interes të madh. Kemi kuptuar që na duhen kanale të reja furni- zimi me energji, Shqipëria ka një popullsi të re dhe të motivuar, është potencial interesant. Po ndërtojmë ura bashkëpunimi që të vijmë dhe të investojmë. Jam surprizuar pozitivisht këtu, kam vënë re një mikpritje dhe një vlerësim të Gjermanisë, dhe in- dustria gjermane do ta përdorë më shumë këtë mundësi në të ardhmen. Të fillojmë në mënyrë më konkrete bashkëpunimin”, u shpreh kreu i BWA.