Ibrahimaj: 10 bashki me probleme financiare, 2 në prag falimenti!
Ministrja e Financave shprehu dje shqetësimin për problemet financiare të disa prej bashkive në vend. Ajo evidentoi se 10 prej tyre paraqiten me probleme, 14 në vështirësi, ndërsa 2 janë me probleme serioze. Ibrahimaj tha se bashkitë me probleme financiare deri më datë 15 korrik kanë kohë për të dorëzuar në ministri një plan të detajuar për përmirësimin e financave. “Transferta e pakushtëzuar ka pasur rritje me 40% këtë vit. Performanca fiskale, nëse do të ishim detyrime prapambetura në 2015 ishte 12.1 mld lekë, tanë është 6.5 mln lekë. Në raport i ndajmë bashkitë në 5 kategori, pa probleme financiare, me probleme financiare, në vështirësi financiare, probleme serioze dhe bashkitë me paaftësi paguese. Asnjë bashki nuk ndodhet në stadin e fundit. Ky raport lind dhe nxjerr detyrime qoftë për bashkitë dhe Ministrinë
e Ekonomisë. Secili prej jush duhet që brenda datës 15 korrik të ketë një plan të detajuar për masat që do të marrë bashkia në kuadër të daljes së vështirësisë financiare. Për seriozet, ky plan do të miratohet nga ministria dhe do miratohet nga Këshilli Bashkiak dhe do kushtëzohet në buxhet. Këlcyrë, Vlorë, Poliçan, Korçë, Tepelenë Kurbin, me 10% performancën e tyre financiare, duke dalë në situatë pa probleme financiare. Vlora dhe Poliçani mbeten në zonën me probleme financiare, ndonëse kanë përmirësim. Durrës, Pogradec, Himarë kanë pasur përmirësim me 5-10%. Cërrik në 2020 ka pasur % e detyrimeve të prapambetura 17.52%, në 2021 e ka mbi 40%. Belsh 30% në 61%. Malësi e Madhe në 2020 pa probleme ka kaluar në 51.83% të detyrimeve të prapambetura”, deklaroi ministrja. Në grupin e këtyre të fundit, ajo renditi edhe bashkinë e vetme të demokratëve, Shkodrën, duke e krahasuar me Korçën, Patosin, Gjirokastrën etj. Për pjesën tjetër, ministrja nënvizoi se është kërkuar një plan për daljen nga situata ku ndodhen për shkak të problemeve financiare brenda datës 11 korrik. “Ka bashki ekselente në menaxhimin e financave publike: Gjirokastër, Patos, Këlcyrë, Shkodër dhe Korçë që kanë nën 1% të detyrimeve të prapambetura. Elbasani dhe Tirana, ndonëse janë shumë të mëdha, e kanë stokun e detyrimeve të prapambetura nën 5%”, tha Ibrahimaj.