Meta: Jo “Ballkani i Hapur”, të zbatohet pa vonesë Procesi i Berlinit
Presidenti flet në Forumin IX Global në Azerbajxhan mbi sigurinë “‘Ballkani i Hapur’ paraqitet si një alternativë ndaj anëtarësimit në BE, tjetërson rajonin si komunitet politik hibrid”
Presidenti Ilir Meta deklaroi se Shqipëria dhe vendet e rajonit duhet të fokusohen te zbatimi pa vonesë i Procesit të Berlinit si katalizatori i integrimit në BE dhe jo “Ballkani i Hapur”, si një qasje alternative paralele dhe jo gjithëpërfshirëse.
Gjatë fjalës së tij në Forumin IX Global në Azerbajxhan mbi sigurinë e Ballkanit Perëndimor në Europë, kreu i shtetit u shpreh se Procesi i Berlinit mbështet krijimin e një tregu të përbashkët rajonal të bazuar në katër liri dhe mbështetet nga të 6 vendet dhe jo vetëm nga disa liderë. “Bashkimi Europian nuk mund të jetë as më i fortë dhe as më i madh në arenën ndërkombëtare pa integrimin e vendeve të Ballkanit Perëndimor. Ne e konsiderojmë mekanizmin e Procesit të Berlinit si katalizatorin kryesor të integrimit në BE të Ballkanit Perëndimor. Ne duhet të përqendrohemi në zbatimin pa vonesë të Procesit të Berlinit, të mos shpërqendrohemi dhe të mos ngatërrohemi nga qasjet alternative paralele jo gjithëpërfshirëse. Pse Procesin e Berlinit? Sepse Procesi i Berlinit mbështet krijimin e një tregu të përbashkët rajonal, të bazuar në katër liri. Të 6 vendet janë pjesë dhe e mbështesin plotësisht këtë proces. Vetëm disa liderë mbështesin alternativën e Ballkanit të Hapur. Procesi i Berlinit ka si pjesë të tij Be-në. Ballkani i Hapur jo! Procesi i Berlinit ka instrumente financiare për të mbështetur projektet e lidhjes. Ballkani i Hapur jo! Procesi i Berlinit fuqizon procesin e zgjerimit, duke i përshtatur reformat e kërkuara me shpërblimet financiare. Ballkani i Hapur paraqitet si një alternativë ndaj anëtarësimit në BE, duke e tjetërsuar rajonin si një komunitet politik hibrid”, tha Meta. Presidenti vuri theksin se “Procesi i Berlinit përmpresidenti
ban 6 vendet e Ballkanit Perëndimor në tryezën politike të Bashkimit Europian. Çdo proces që ka Be-në brenda saj, përfaqëson vullnetin e vendeve tona. Çdo proces që copëton Be-në, përfaqëson
frikën politike të liderëve autokratikë për humbjen e pushtetit të tyre. Dëshiroj të përshëndes përkushtimin e qartë të Kancelarit të ri të Gjermanisë së fundmi në rajonin tonë për përshpejtimin
e Procesit të Berlinit dhe për rëndësinë e dialogut ndërmjet Kosovës dhe Serbisë, jo vetëm për normalizimin e marrëdhënieve të tyre, por edhe për njohjen reciproke”, tha Meta.