Berisha: Rritje stratosferike e çmimit të naftës, abuzim e vjedhje
Pas vendimit të Bordit për të rritur sërish çmimin e naftës, ka reaguar edhe kryetari i Partisë Demokratike, Sali Berisha. Përmes një postimi në rrjetet sociale, Berisha shkruan se ky është abuzim, vjedhje që po iu bëhet qytetarëve. Çmimi i naftës në rajon, sipas tij, ka një diferencë të madhe me Shqipërinë, duke sjellë në vëmendje Maqedoninë e Veriut, ku çmimi është 523 lekë më lirë. “Rritje tjetër stratosferike e çmimit të naftës. Bordi komunist i Edi Ramës nuk ka të ndalur! Çmimi i naftës shënon sot një tjetër rekord. 265 lekë për litër do të paguajnë shqiptarët duke nisur prej ditës së sotme (dje). Çmenduri! Abuzim! Vjedhje! Kryehajduti ka vendosur të zhvasë çdo qindarkë nga familjet shqiptare, duke e çuar në stratosferë çmimin e naftës, nëpërmjet bordeve komuniste. Çmimi i naftës në rajon ka një diference të madhe me Shqipërinë. Kështu, në Maqedoninë e Veriut 1 litër naftë kushton 523 lekë më lirë e faji këtu është kryekëput i qeverisë dhe Edi Ramës. Masa të menjëhershme duhen ndërmarrë ose çmenduria e këtij njeriu do të dëmtojë ekonominë e çdo qytetari shqiptar”, mbyll statusin e tij Berisha.