RRITJA E ÇMIMIT TË NAFTËS, PETRIT VASILI: KRIMINALE

Nënkryetari i Lëvizjes Socialiste për Integrim, Petrit Vasili, e ka cilësuar kriminale rritjen e çmimit të naftës në vend. Përmes një postimi në rrjetet sociale, Vasili heq paralele me atë që është duke ndodhur në Maqedoninë e Veriut, ku çmimi i naftës është rreth 520 lekë më i ulët në raport me vendin tonë. “265 lekë litri, vazhdon çmimi kriminal i naftës! Qeveria vendosi sot çmimin e naftës 265 lekë/litri. Po sot në Maqedoni është 212 lekë litri (109.5 denarë). Në Shqipëri është 523 lekë (5230 lekë të vjetër) më shtrenjtë. Në Shqipëri qeverisin batakçinjtë e rilindjes, ndaj çmimi është në këtë nivel mafioz. Maqedonia nuk prodhon naftë, nuk ka porte, por edhe nuk ka në qeveri superbatakçinj si këta të rilindjes në Tiranë. Ndaj, Maqedonia ka një nga gjashtë çmimet më të lira të naftës në Europë, ndërsa Shqipëria e qeverisur nga rilindja një nga tre më të lartit ne Europë”, shkroi nënkryetari i Lëvizjes Socialiste për Integrim në rrjetet sociale.