Nisma, Kurti refuzon Ramën: Nuk është çështje bilaterale!
“Open Balkan”, Rama-kurtit: Nuk na bashkon, por as s’na ndan! “Më quani si vëllau i Vuçiçit”, Rama flet për raportet me Presidentin serb dhe marrëdhëniet me Kryeministrin e Kosovës
Çështja e “Ballkanit të Hapur” ndan Edi Ramën dhe Albin Kurtin. Dy Kryeministrat shqiptarë ndahen për këtë nismë, por kjo nuk i pengon në marrëdhëniet e shkëlqyera bilaterale.
Pas mbledhjes së dy qeverive, Kurti dhe Rama, në një konferencë për shtyp, shprehën dje qëndrimet e kundërta në raport me nismën “Open Balkan”. Kryeministri kosovar ia tha dje në sy Kryeministrit shqiptar se nuk ka asnjë të re në qëndrimin e Kosovës për “Ballkanin e Hapur”. “Duhet të theksojmë se arritëm marrëveshje, protokolle dhe memorandume, 19, sot dhe kjo është për t’u përshëndetur. Marrëdhënie tona bilaterale janë të shkëlqyeshme dhe vëllazërorë dhe vëllezërit nuk kanë ndërmjetësues midis njëri-tjetrit. Janë marrëveshje që të forcojmë të dyja shtetet tona. Për çështjen e ‘Ballkanit të Hapur’ është e një dimensioni tjetër, nuk kam asgjë të re t’u them”, deklaroi Kurti. Mirëpo Kryeministri Edi Rama theksoi faktin që nuk ka rënë dakord me homologun Kurti për çështjen e “Ballkanit të Hapur”, dhe kjo, sipas tij, është gjë normale. Rama përmendi se çdo gjë e jetësuar me “Ballkanin e Hapur” duhet të jetësohet edhe në Kosovë. “’Ballkani i Hapur’ nuk na ndan. Në këtë pikë kemi këndvështrime të ndryshme, por nuk na pengojmë që në marrëdhëniet bilaterale, ne të vazhdojmë të ecim para. Porosia ime për qeverinë që drejtoj është se çdo që gjë ne jetësojmë në ‘Ballkanin e Hapur’ duhet ta jetësojmë edhe me Kosovën. Mos kërkoni qeveritë kur flasim për sipërmarrjet. Heqja e të gjitha tarifave doganore, duam ta bëjmë edhe me Kosovën. Kosova ka kërkuar pak kohë për të bërë një studim. Sipërmarrësit shqiptarë në Shqipëri, Kosovë dhe kuqo qofshin, për mua janë sipërmarrës të Shqipërisë. Shqipëria është e gatshme t’i mbështesë. Kampionët tanë janë atë që bëjnë sipërmarrje në Shqipëri dhe përfaqësojnë ambicien shqiptare. Kur vjen puna për ‘Ballkanin e Hapur’ dhe Procesin e Berlinit janë
çështje të natyrës konceptuale. Fakti që nuk biem dakord për çdo gjë, do të thotë që jemi në rregull. Po të ishim për çdo gjë dakord, nuk do të ishim në rregull”, tha Rama. Kryeministri i Kosovës, Albin Kurti, u pyet nga gazetarët nëse do të marrë pjesë si vëzhgues në samitin e ardhshëm të “Ballkanit të Hapur”, por ai sërish refuzoi. Përgjigjja e Kurtit ishte për marrëveshjet që u arritën në mbledhjen e përbashkët të
dy qeverive. “Unë po të isha në Ohër si vëzhgues, do të kishte kuptim të përgjigjesha. Ndërkohë, këtu nga Prishtina ju përshëndes me shprehjen ‘Porti i ri i Durrësit, Porti i thatë i Prishtinës, hekurudha në mes’”, u shpreh Albin Kurti. Ndërkohë, Kryeministri Rama ndërhyri dhe me batuta tha se “Kurti vëzhgon nga Prishtina edhe Kinën, jo më Ohrin”. “Po të jetë për vëzhgues, ky vëzhgon nga Prishti
na Kinën, jo më Ohrin”, u shpreh Kryeministri i Shqipërisë. Kryeministri Edi Rama u pyet edhe për raportin me Presidentin e Serbisë, Aleksandar Vuçiç, ndërsa u përgjigj: “Për të ardhur te proserbizmi im, unë jam vëllau i Vuçiçit… ju e dini këtë dhe e keni bërë status timin që unë
jam vëllau i tij. Por përtej kësaj, këndvështrimi im është se neve nuk na duhet një Serbi e radikalizuar, aq më tepër në kontekstin e sotëm. E na duhet të bëjmë çmos të rrisim të gjitha ato mundësi që e integrojnë këtë pjesë të Europës, që jo pa arsye është më e prapambetura historikisht, në një nivel
tjetër ndërveprimi ekonomik dhe shoqëror. Unë nuk hyj në administrimin e dialogut mes Kosovës dhe Serbisë”. Ndërkohë për raportet me Kryeministrin Albin Kurti, Rama theksoi se “ne kemi një marrëdhënie të kahershme, që është shumë miqësore e do të jetë e tillë gjithmonë”.