“Dita e Flamurit”, në nëntor mbledhje jubilare e Kuvendevekosovë-shqipëri!
Vendimi, publikimi në fund të vitit i revistës së parë bashkëqeveritare dhe Fletorja Zyrtare e dy qeverive
Kryeministri Edi Rama propozoi dje në Prishtinë mbajtjen e një Kuvendi të përbashkët në muajin nëntor me Kosovën, për 110-vjetorin e Pavarësisë së Shqipërisë.
Në prani të dy kabineteve qeveritare, atë të Kosovës dhe Shqipërisë, e mbledhur dje në Prishtinë, Edi Rama shprehu dëshirën duke iu drejtuar Kryeministrit Albin Kurti, që Kuvendi i përbashkët të mbahet nëntorin e ardhshëm, në kuadër edhe të 110-vjetorit të Pavarësisë së Shqipërisë. “Z.kryeministër, do t’ju propozoja që meqë jemi në 110-vjetorin e Pavarësisë së Shqipërisë, të kishim në nëntor të parin Kuvend të përbashkët, të mbledhur në një dhomë ku po na u dha mundësi dhe po u ra dakord, të na jepet dhe ne të dyve të adresojmë këtë dhomë të përbashkët, por në të gjitha rastet, nëse bindim të dy kryesitë e Kuvendeve, të kemi këtë Kuvend të përbashkët, atëherë japim mesazhin për ata që lexojnë sloganet e mbledhjeve, që këto nuk janë slogane bosh…”, theksoi z.rama. Pas propozimit të Kryeministrit, në mbledhjen e përbashkët të dy qeverive u ra dakord që të mbahet në nëntor mbledhja e përbashkët e 2 Kuvendeve. “Pas çdo mbledhjeje të përbashkët ne i afrohemi dokumentit të partneritet strategjik, të nënshkruar në Prizren në vitin 2014. Ramë dakord që në kuadër të 110-vjetorit të pavarësisë së Shqipërisë të organizojmë për herë të parë Kuvendin e përbashkuar të të dyjave republikave. Seancë jubilare ku deputetët e të dyja shteteve do të jenë bashkë për t’i adresuar popullit shqiptar në të dy anët e kufirit”, theksoi Rama në konferencë për mediat me Albin Kurtin. Por një tjetër vendim i dy qeverive është edhe ai publikimit në fund të vitit i revistës së parë bashkëqeveritare dhe Fletorja Zyrtare e dy qeverive, të cilat do t’i shërbejnë të gjithë të interesuarve për të parë të gjitha faktet dhe shifrat e bashkëpunimit. Gjatë ditës së djeshme u zhvillua mbledhja e përbashkët e dy qeverisë, Kosovë-shqipëri.