Nga 127 marrëveshje Shqipërikosovë, janë realizuar 75
Nga bashkimi doganor, te porti tregtar dhe lehtësim të procedurave për studentët, nënshkruhen edhe 19 marrëveshje të reja
Një traditë e përvitshme bashkon qeveritë e dy shteteve shqiptare që nga viti 2014.
Sa herë që dy qeveritë Shqipëri-kosovë janë mbledhur, kanë firmosur një duzinë marrëveshjesh të përbashkëta të nënshkruara nga palët. Janë plot 127 marrëveshje të nënshkruara mes palëve. Ato janë marrëveshje, memorandume dhe protokolle bashkëpunimi. Megjithatë, pavarësisht nënshkrimit të këtyre marrëveshjeve, zbatimi i tyre paraqet ende vështirësi. Nga 127 marrëveshje Shqipëri-kosovë, janë realizuar vetëm 75. Mbledhja e parë mes dy qeverive është mbajtur në vitin 2014 në Prizren dhe që nga ajo kohë të dyja qeveritë çdo vit mbajnë mbledhjet e përbashkëta, në të cilat premtohet në vazhdimësi për bashkëpunim të ndërsjellë dhe nënshkruhen marrëveshje në fusha të ndryshme. Nënshkrimi i këtyre marrëveshje ka pasur për qëllim një qeverisje të përbashkët strategjike dhe në veçanti eliminimin e barrierave tregtare mes dy shteteve. Mirëpo, qeveritë janë kritikuar se marrëveshjet e nënshkruara kanë mbetur vetëm në letër dhe nuk kanë gjetur zbatim në praktikë. Pjesa më e madhe e marrëveshjeve të nënshkruara mes Kosovës dhe Shqipërisë janë nga fusha e tregtisë dhe synojnë lehtësimin e bashkëpunimit tregtar. Por ende ka barriera tregtare. Një tjetër mbledhje e përbashkët mes Shqipërisë dhe Kosovës ishte
ajo e djeshmja në Prishtinë. Kryeministri i Kosovës, Albin Kurti, nisi fjalën në mbledhjen e tetë të dy qeverive Shqipërikosovë, duke thënë se duhet të kthejnë optimizmin në entuziazëm duke përmendur se nga 127 marrëveshje të nënshkruara, janë realizuar 75 prej tyre që kanë lehtësuar jetën e qytetarëve. “Marrëdhëniet mes vendeve tona janë dëshmi se kur nuk ekzistojnë problemet e pazgjidhura politike, suksesi në të gjitha fushat e tjera është i garantuar. Gjithashtu, është dëshmi që integrimi në të gjithë rajonin sigurohet duke i zgjidhur problemet politike në fillim dhe jo në fund. Jam i kënaqur të njoftoj se gjatë këtyre muajve janë në zbatim të gjitha marrëveshjet përveç njërës. Me to është lehtësuar jeta e qytetarëve. Kemi një oqean të tërë mundësish të pashfrytëzuara. Nga 127 marrëveshje të nënshkruara në të kaluarën, janë zbatuar
pa probleme 75, ose 59%, që është shumë më pak krahasuar me 93% të realizimit të marrëveshjeve të nënshkruara para 6 muajsh. Na duhet harmonizim i politikave mes 2 vendeve si në çështjet rajonale, po ashtu edhe të politikës së jashtme”, tha Kurti.
FIRMOSJA
Një nga marrëveshjet më të rëndësishme të firmosura dje është ajo që do të lehtësojë procedurën e kalimit në kufirin mes Shqipërisë dhe Kosovës. Jo vetëm qytetarët, por lehtësira qeveritë lajmëruan edhe për biznesin. Ministrat e Financave të Shqipërisë dhe Kosovës nënshkruan një marrëveshje për shkëmbimin e të dhënave për realizimin e të drejtës për pension, kërkesat për kontrolle mjekësore së një qytetari. Pra, do të zbatohet marrëveshja që tregjet e dy vendeve të bashkohen dhe të ketë edhe lëvizje të lirë të fuqisë punëtore. Edhe ndërtimi i portit të ri tregtar në
Porto-romano dhe lidhja e tij me Portin e Thatë në Prishtinë, duke përdorur hekurudhën Durrës-prishtinë, ishte projekti ambicioz i prezantuar përpara dy qeverive nga kompania holandeze “Royal Hackoning”. Marrëveshje u nënshkrua edhe për gjendjen civile, ku do të bëhet shkëmbim në kohë reale ndërmjet dy vendeve. Mes 19 marrëveshjeve, Shqipëria e Kosova nënshkruan edhe
ndërtimin e linjës hekurudhore Durrës-prishtinë me bashkëfinancim, që do të kushtojë rreth 1 milion e 980 mijë euro. Në kushtet e krizës, Shqipërikosovë nënshkruan marrëveshje edhe për Tecin e Vlorës, nga i cili të dyja palët do të përfitojnë gazin natyror, por edhe marrëveshjen për shkëmbimin e energjisë. Në mesin e 19 marrëveshjeve u njoftua se skema e sigurimeve shoqërore do të hyjë në fuqi
prej 1 korrikut, rrugët në fshatrat ndërkufitare do investohen në të dyja anët e kufirit, mjekët do kenë mundësi punësimi, licencat e avokatëve do të njihen nga të dyja vendet, projekti madhor në albanologji do të bëhet me bashkëfinancim, ndërsa jashtë këtyre marrëveshjeve, Kryeministri Rama deklaroi se do të kërkohet abetare e unifikuar për shqiptarët në vendet e tjera të Rajonit.