Xhuljana Dumani dhe skandali i institucioneve
Punësimi i Xhuliana Dumanit, motrës së vrasësit me pagesë Nuredin Dumani, si specialiste në Ministrinë e Jashtme ka shkaktuar një bujë të madhe në opinionin publik. Kjo për shkak se Xhuliana ishte pajisur edhe me një certifikatë sigurie nga DSIK (Drejtoria për Sigurimin e Informacionit të Klasifikuar) dhe rezulton se ky institucion ka dhënë vlerësim pozitiv për të. Për gazetaren Klodiana Lala, disa institucione janë përfshirë në një skandal të paprecedent. Për të dhënë këtë certifikatë, DSIK ka për detyrë t’u drejtohet, siç është SHISH, Policia, Prokuroria që kanë për detyrë bëjnë hetime të thelluara. Lala thotë se: “Zyrtarët duhet të shpjegojnë se çfarë verifikimesh kryen për emrin e Xhuljana Dumanit dhe a kishin ata dijeni që ishte motra e një të shumëkërkuari? Sepse Nuredin Dumani ishte në kërkim ndërkombëtar. Gjatë bisedës me Xhuliana Dumanin, Lala e pyeti atë nëse mbrohet nga Policia, pasi vëllai i saj u bë i penduari i drejtësisë. “Jo, nuk kam pranuar. Nuk mund të jetoj si në burg. Të rri diku në Shqipëri, pa bërë asgjë. Nuk kam as besim tek autoritetet. Skeda ime penale është e pastër” i përgjigjet.