Berisha:maxhorancapërjashtoi Pdngaterritorialja,kaalibashën
“Vjeshta e parë do të jetë periudha e fillimit të primareve” Ish-kryeministri: Bylykbashi s’merr pjesë në fasadë, nuk mund të qëndrojmë kurrsesi në pozicion me njërën dhe të përjashtuar te tjetra
Nënkryetari i Partisë Demokratike që drejtohet nga Berisha, Oerd Bylykbashi, sipas ishkryeministrit do të marrë pjesë në komisionin e Reformës Zgjedhore për të mos lejuar një proces fasadë. Në konferencën për mediat, ndryshe nga disa ditë më parë, Berisha sqaroi ndryshimin e qëndrimit në lidhje me zhvillimin e reformave. Ai sqaroi se PD nuk është kundër reformave apriori, po maxhoranca kërkon të zgjedhë vetë opozitën. “Oerd Bylykbashi nuk merr kurrë pjesë në fasadë. Nuk e shndërron kush në fasadë Oerd Bylykbashin. Bylykbashi është një nga specialistët më të shkëlqyer të së drejtës elektorale në këtë vend. Qenia e tij është për ne, dhe për mua, e mjaftueshme që ajo punë të mos jetë fasadë, por siç e keni provuar ju edhe më përpara. Ka një problem të dytë këtu. Nuk është problemi se Oerdi do të jetë fasadë aty. Problemi është se ata kanë përjashtuar Partinë Demokratike nga Komisioni i Reformës Territoriale dhe e kanë vetëm me Alibashën. Dhe tjetra, në komision për 4 qarqet e jugut, të cilat në rrafshin e Reformës Territoriale përbëjnë problemin kryesor. Pse? Gjirokastra me 120 mijë banorë qarku, ka 7 njësi. Tirana me rreth 1 milion banorë ka tri ose katër njësi. Ky është ai që quhet ‘gerrymandering’ më skandaloz që mund të bëhet. Dhe nuk ka asnjë përfaqësues të këtyre qarqeve, sepse Edi Ramës i duhet numri aty që fitova kaq e aq. Pra, qëndrimi ynë është ky, do përcaktohet tërësisht si do të vendosin, do të vendosin të vazhdojnë me pseudo-opozitën, le ta vazhdojnë dhe nuk bëhemi pjesë. Por, ne nuk jemi apriori kundër komisioneve, kundër Reformës Territoriale sepse ajo duhet të shqyrtohet, nuk jemi kundër Reformës Zgjedhore sepse ajo ka rekomandime ndërkombëtare, por nuk mund të qëndrojmë kurrsesi në pozicion me njërën dhe të përjashtuar te tjetra. Këto nuk mund të ndodhin”, tha Berisha.
PRIMARET
Ndërkohë, duke paralajmëruar
se në vjeshtë do të nisë procesi i primareve për kandidatët për kryetarë bashkie për zgjedhjet që do bëhen vitin e ardhshëm, Berisha tha se kishte porositur kryetarët e degëve edhe për protesta. Ai tha se në PD ka përfunduar koha që të bëhet betejë vetëm në një drejtim. “Ne po parapërgatitemi dhe do të fillojmë shumë shpejt. Nuk do të humbasim kohë në aplikimin e procedurës sonë me primare dhe vjeshta e parë, mendoj unë, do të jetë periudha e fillimit të zhvillimit të primareve në mbarë vendin për kandidaturat tona. Ndërkohë, po bëhen përpjekje. Unë në një takim që zhvillova me kryetarët e degëve, kërkova një veprimtari shumëplanëshe, sepse Partia Demokratike nuk mund të qëndrojë vetëm në një lloj veprimtarie. Koha e thërret atë të ketë një aktivitet të shumëllojtë dhe të shumë planesh. Protestat janë dhe mbeten në rendin e ditës së kësaj partie, kjo jashtë çdo lloj dyshimi. Betejë do të jetë kjo! Betejë elektorale në njërin front, betejë antiregjim në frontin tjetër. Duhet të mësohet PD, duhet të shfrytëzojë çdolloj potenciali për objektivat e saj, por nuk mund të heshtet kjo që po ndodh me shqiptarët, ky dënim që u bën shqiptarëve me çmimet më të larta”, tha Berisha.
AKUZAT NDAJ RAMËS
Ish-kryeministri Sali Berisha komentoi dje edhe mbledhjen e përbashkët të qeverisë shqiptare dhe asaj të Kosovës, ku vuri para akuzave kreun e qeverisë shqiptare, Edi Rama, se shkoi atje duke mos njohur dhe duke mohuar gjenocidin serb ndaj Kosovës.
“Në qoftë se Rama do të njihte minimumin e minimumit të respektit për qytetarët e Kosovës, vuajtjen dhe sakrificën e tyre, martirizimin e tyre në më shumë se 150 vitet e fundit, duhet të shkonte kësaj radhe në Kosovë, duke pas njohur gjenocidin ciklik serb në Kosovë. Duke pas njohur infaticidin.
Janë 1400 engjëj, vogëlushë, qenie të pafajshme, të cilët u vranë, u therën, u dogjën vetëm e vetëm për fajin e vetëm se kishin prindër shqiptarë në shtëpitë e tyre”, tha Berisha duke u zotuar më tej se PD do të heqë traun në Rrugën e kombit.