KLP për aftësitë profesionale/ njohuritë ligjore

Prokurori Arian Ndoja shfaq aftësi në drejtim të zbatimit të ligjit. E ka të qartë drejtimin e hetimit që do të kryejë në rastin konkret. Menjëherë pasi urdhëron regjistrimin e procedimit, subjekti i rivlerësimit përcakton detyrat me shkrim për oficerin e Policisë Gjyqësore, duke i përshkruar konkretisht se çfarë duhet të kryejë dhe duke i vendosur afatin e kryerjes së tyre. Ai identifikon saktë normën ligjore të zbatueshme.

ARSYETIMI LIGJOR

Subjekti shfaq aftësi në arsyetim ligjor. Tregon vëmendje që aktet e përgatitura prej tij të paraqiten të strukturuara me një gjuhë të kuptueshme. Tek aktet e përgatitura nga subjekti i rivlerësimit, konstatohet se nga ana e tij bëhet analizë mbi rrethanat e faktit dhe provave të mbledhura, duke shprehur qëndrimin e tij logjik mbi zgjidhjen ligjore.