Macron kërkon aleatë, por do të jetë e ndërlikuar
Grupimi i qendrës i Presidentit Emmanuel Macron u përpoq të hënën për të siguruar mbështetje nga rivalët, për të shpëtuar disa nga premtimet e tij për reforma, pasi zgjedhjet e fundjavës sollën një Parlament të fragmentuar, që e lë Francën në rrezik të paralizës politike. Humbja e shumicës absolute të aleancës së tij është një pengesë e hidhur për Macron, i cili vetë u zgjodh për një mandat të dytë në prill. Qeveritë franceze janë mësuar prej kohësh të kenë një dhomë të ulët të Parlamentit që ndan linjën e tyre politike dhe kryesisht propozimet e vulosura. Votimi i raundit të dytë të së dielës nxori grupimin “Së bashku” të Macron si partinë më të madhe, por me një aleancë të re të majtë në vendin e dytë, e vendosur për të bërë zërin e saj të dëgjohet, si dhe një të djathtë ekstreme më e fortë se kurrë dhe konservatorët si lojtarë vendimtarë në skenën parlamentare. “Do të jetë e ndërlikuar”, tha zëdhënësja e qeverisë, Olivia Gregoire, për radion “France Inter”. “Ne do të duhet të jemi krijues”. Humbja e kontrollit të Parlamentit do të thotë që Macron do të duhet të heqë dorë nga qëndrimi i tij nga lart poshtë ndaj politikës, të cilën ai vetë e quajti “Jupiteriane”, për një qëndrim shumë më konsensual. “Një Parlament i tillë i fragmentuar ka të ngjarë të rezultojë në bllokim politik, me një axhendë reformash shumë më të ngadaltë”, tha Philippe Gudin i “Barclays”. “Kjo ka të ngjarë të dobësojë pozicionin e Francës në Europë dhe të
rrezikojë pozicionin fiskal të vendit, i cili tashmë është i dobët”. Gregoire tha se së shpejti do të riorganizonte qeverinë e tij, gjë që mund të shohë Kryeministren Elisabeth Borne të humbasë punën e saj pas pak më shumë se një muaji në detyrë. Është e paqartë nëse aleanca e gjerë e majtë Nupes e Jean-luc Melenchon mund të qëndrojë e bashkuar dhe çfarë ndikimi do të ketë kontingjenti i fortë i ekstremit të djathtë të Marine le Pen. Çështja është nëse Macron do të përpiqet të arrijë një marrëveshje koalicioni me konservatorët Les Republicains (LR) - të cilët tani për tani e kanë refuzuar atë opsion - ose do të hyjë në negociata të vështira me ligjvënësit rast pas rasti. Nëse nuk arrihet asnjë marrëveshje me opozitën, ekonomia e dytë më e madhe e eurozonës përballet me ngërç politik dhe zgjedhje të mundshme të parakohshme.