“Rama po favorizon Serbinë”

Skandaloze i cilësoi nënkryetari i Pd-së, Luçiano Boçi, deklaratat e Kryeministrit Edi Rama, i cili u shpreh pesimist për hapjen e negociatave, ndërsa paralajmëroi edhe bojkotin e Shqipërisë në Samitin e Be-së. “Janë festuar gati pesë herë këto hapjet e negociatave. Dhe jemi përballë një deklarate skandaloze të Kryeministrit tonë. Është një dëmtim i plotë i investimit të shqiptarëve me ëndrrën e tyre në raport me Be-në. Deklarata të tilla kanë përgjegjësi. Duket që Rama bën lojën e dikujt tjetër. Samiti kishte edhe një natyrë simbolike për Ukrainën, dhe, duke qenë në këtë lloj atmosfere, nuk mund të bësh deklarata të tilla, edhe sikur të të jetë bërë padrejtësi e madhe. Më e favorizuar është Serbia, që i rri mirë ky qëndrim. Rama nuk mund ta bënte një deklaratë të tillë. Nuk është rastësore”, tha Boçi.