Vasili: Rama, si “mi” inferior

Nënkryetari i Lëvizjes Socialiste për Integrim, Petrit Vasili, deklaroi përmes një postimi në faqen e tij zyrtare se pavarësisht se bëri “të fortin” me Benë për pjesëmarrjen në samitin që do të mbahet nesër në Bruksel, Kryeministri Edi Rama do të marrë pjesë në takim me “bisht ndër shalë”. Ai ka shtuar se kërcënimet e kreut të qeverisë nuk i ka marrë askush seriozisht, ndërsa veprimet e tij i ka quajtur veprime prej karagjozi. “Bojkoti 24 orësh i BE i Ramës si një vickël prej miu inferior të kapur për bishti! Trimëriçka e Ramës për të bojkotuar Be-në e pati ymrin më pak se 24 orë. Vulgare në formë dhe provinciale në përmbajtje ishte vetëm një shfaqje inferioriteti, që shoqëron Ramën qëkur është shfaqur në politikë”, tha Vasili.