20 MIJË LEKË PLUS PËR 38 POZICIONE

Në vendimin e djeshëm të qeverisë për rritjen e pagave të ushtarakëve u miratua një aneks listë me rreth 38 pozicione brenda Forcës së Armatosur që marrin shtesë mbi shtesën e pagës. “Mund të veçoj atë që është e para në listën e shtesave dhe që merr dhe shtresën më të lartë është struktura ushtarake e mbrojtjes kibernetike. Përveç shtesës 30 për qind, do të marrë dhe 20 mijë lekë të rinj mbi këtë pagë për shkak të rëndësisë që mbrojtja kibernetike ka marrë sot në Shqipëri dhe të gjithë botë. Pra, janë 38 pozicione që marrin shtesë mbi këtë shtesë page”, tha Peleshi. Ministri i Mbrojtjes tha se me rritjen e pagës synon që të shtohen prurjet në FA. “Sot po rrisim me 30 për qind pagën e të gjithë ushtarakëve tanë për t’i dhënë mbi të gjitha dinjitet dhe prestigj dhe për të pasur më shumë prurje në Forcat tona të Armatosura”, deklaroi Peleshi.