HAPJA E TENDERIT

Ka qenë ministri i Mbrojtjes, Niko Peleshi, ai që hapi tenderin për sigurimin e satelitëve që do të mbikëqyrnin hapësirën e Shqipërisë. Peleshi firmosi më 7 prill hapjen e tenderit, nga Agjencia Kombëtare e Mbrojtjes Civile, një institucion nën varësinë e Ministrisë së Mbrojtjes. Tenderi kishte një vlerë prej 7.2 milionë USD për monitorimin e territorit me pamje satelitore. “Burimi i financimit është nga fondet e miratuara në buxhetin e shtetit për vitin 2022, për Agjencinë Kombëtare të Mbrojtjes Civile dhe fondet që do të planifikohen për vitet në të cilat do të shtrihet zbatimi i kontratës”, thuhej në dokumentin e hapjes së prokurimit.