Konfirmoi trajnerin, tani Fiorentina kërkon Bajramin
gjetjes së akordit me Interin për Kristjan Asllanin, duket se Empoli nuk është mjaftuar me të ardhurat që kërkon të përfitojë. Pas mesfushorit 20-vjeçar, duket se Nedim Bajrami do të jetë largimi i radhës nga skuadra toskane. Sezoni që u mbyll në Serinë A ka qenë pozitiv për Bajramin me fanellën e Empolit dhe sipas asaj që raporton gazetari i njohur dhe njëkohësisht dhe eksperti i merkatos, Xhanluka di Marcio, fantazistin e Kombëtares shqiptare e kërkon një tjetër klub në elitën e futbollit italian. Bëhet fjalë për Fiorentinën, e cila është duke kërkuar një futbollist me karakteristikat e trekuartistit dhe, me sa duket, Bajrami është i përzgjedhuri i skuadrës vjollcë.
Trajneri dhe agjenti Agjenti
i futbollistit 23vjeçar është Fali Ramadani, i cili aktualisht ka në menaxhim edhe trajnerin e Fiorentinës, Vinçenco Italiano. Dje u mbyll edhe rinovimi me klubin violë edhe për dy vite. Pas konfirmimit të trajnerit, tani vëmendja do të jetë në merkato, pasi Fiorentina do të luajë edhe në Europë sezonin që vjen, ku do të marrë pjesë në Ligën e Konferencës. Për mesfushorin mendohet se Empoli do të kërkojë jo më pak se 15 milionë euro.
Ramadani, te trajneri dhe klubi i Fiorentinës është i pashmangshëm. Kështu që nuk përjashtohet mundësia që fantazistin ta shohim me fanellën vjollcë në kampionatin e ri. Gjithashtu, edhe Sasuolo, Lacio dhe Napoli e kanë ndjekur lojtarin e lindur në Zvicër. Në sezonin që përfundoi, Nedim Bajrami me fanellën e Empolit u aktivizua gjithsej në Serinë A në 35 ndeshje duke shënuar 6 gola dhe duke dhuruar gjithashtu edhe 6 asiste për shokët e skuadrës.