SI ERDHËN AFGANËT NË

Shqipëria strehoi rreth 2400 shtetas nga Afganistani dhe, sipas të dhënave zyrtare, deri më tani janë larguar një pjesë e madhe e tyre, kryesisht drejt Shteteve të Bashkuara të Amerikës, Kanadasë dhe disa vendeve europiane. Procesi ishte parashikuar që të përfundonte deri në fund të muajit, kohë kur nisi dhe sezoni turistik, pasi hotelet ku ata qëndronin do të vihen në funksion të pushuesve, por një pjesë e tyre nuk janë larguar ende. Refugjatët afganë dhe familjet e tyre në Shqipëri ishin bashkëpunëtorë të organizatave ndërkombëtare dhe ushtrisë amerikane, përpara se ata të largoheshin nga Afganistani. Shqipëria u dha atyre statusin e përkohshëm të mbrojtjes, ndërkohë që prisnin të pajiseshin me viza amerikane. Afganët e parë në Shqipëri nisën të vinin më 27 gusht të vitit të shkuar. pasi pushtetin në Afganistan e mori në dorë grupimi politik i talibanëve pas më shumë se 20 vjetësh qëkurse vendin e drejtuan amerikanët.