BRENDA JAVES TAKIMI I AMBASADORËVE NË VENDET BALLKANIKE
Ambasadorët e SHBAVE në vendet ballkanike do të takohen gjatë kësaj jave me drejtuesit e Departamentit Amerikan të Shtetit. Lajmin e njoftoi dje ambasadorja e SHBAVE në Shqipëri, Yuri Kim. Ajo thekson se në takim do të diskutohet në lidhje me prioritetet në Ballkanin Perëndimor dhe bashkëpunim rajonal. "Ambasadorët do të takohen me drejtuesit e Departamentit të Shtetit këtë javë për të diskutuar prioritetet në Ballkanin Perëndimor, veçanërisht bashkëpunimin dhe integrimin rajonal - më rëndësishme se kurrë", shkruan ambasadorja amerikane, Yuri Kim.