Boçi: 4 arsyet e bllokimit të negociatave
PD përshëndeti dje vendimin e Bullgarisë për heqjen e vetos. Sipas Luçiano Boçit, Shqipëria ka 4 arsye për bllokimin e hapjes së negociatave. Në një deklaratë për mediat, kreu i Grupit Parlamentar të Pd-së renditi disa arsye që, sipas tij, kanë bërë që të mos hapen negociatat me Maqedoninë e Veriut dhe me Shqipërinë. “Shpopullimi masiv i vendit, që ka derdhur në dyert e Europës më shumë shqiptarë se sa banorë të zonave të luftës në Afrikë dhe Lindje të Mesme; korrupsioni me shokët ministra dhe shokët e ministrave, një pjesë në kërkim kombëtar e ndërkombëtar; përfshirja në vjedhje të pasurive publike, në trafik droge, dhe dhënia e statusit të investitorit strategjik të familjarëve të ministrave; njolla e zgjedhjeve të manipuluara, që e kemi parë në kaq shumë përgjime e raporte”, tha Boçi.