“Gjykata” e PD anulon procesin e rivotimit për kryesinë e Korçës
Komisioni i Apelimit dhe Vlerësimit të Statutit në Partinë Demokratike vendosi dje të pranojë kërkesën e ankimuesve në degën e Pd-së në Korçë, për të pezulluar procesin e rivotimit për kryesinë pranë kësaj dege. “Në bazë të kërkesës së bërë nga Kryesia e zgjedhur e PDSH-SË, Dega Korçë dhe pasi dëgjuam pretendimet nga një grup anëtarësh të kësaj kryesie, përkatësisht znj. Viollandi Stojku, z. Arian Haruni, z. Niko Cukal dhe z. Irvin Bode, se kërkesa për pezullim për përsëritjen e procesit të votimit për kryesinë e PDSH-SË, Dega Korçë më datë 25.06.2022, është e drejtë dhe nisur dhe nga afati i shkurtër kohor i përsëritjes së zgjedhjeve, si dhe nga fakti i nevojës së kryerjes së një hetimi të thelluar nga Komisioni i Apelimit lidhur më këtë çështje, duhet pranuar. Bazuar në dispozitat ligjore, parashikuar në Statutin e Partisë Demokratike shqiptare, e konkretisht në nenet 53 dhe 54 të saj, VENDOSËM: Pezullimin e vendimit të KOKOE datë 13.06.2022 me Nr.71/2 Prot., për përsëritjen e procesit të votimit për Kryesinë e PDSHSË, Dega Korçë më datë 25.06.2022, deri në marrjen e vendimit përfundimtar nga Komisioni i Apelimit dhe Vlerësimit të Statutit pranë PDSH-SË”, thuhet në njoftimin zyrtar të zyrës së shtypit të Pd-së. Ndërkohë që vendimi do t’i kalojë edhe degës së Korçës.