Dekani i Mjekësisë te “Luarasi”: Misioni ynë, të nxjerrim studentë ekselentë
Nisin regjistrimet paraprake te “Luarasi”, oferta deri në fund të korrikut Prof. dr. Bara: Kemi ajkën e pedagogëve, kushte bashkëkohore me laboratorë e praktika pune në spitale e klinika të fuqishme
Universiteti “Luarasi” vjen në vitin e ri akademik 20222023 me oferta të shtuara akademike duke garantuar të njëjtën cilësi. Përpos profileve të konsoliduara ndër vite: Drejtësi, Ekonomi dhe Teknologji, ashtu edhe në atë të Mjekësisë që u hap vitin e kaluar. I ftuar në “News24”, Dekani i Fakultetit të Shkencave Mjekësore, profesor Petrit Bara, ka shpalosur vetëm disa nga benefitet e të studiuarit në “Luaras”, teksa fton të rinjtë t’i bashkohen këtij universiteti.
OFERTA AKADEMIKE
Qendër e këtij Universiteti janë pedagogët, të cilët janë më të mirët në fushat e tyre, studentët dhe ambientet e duhura. Ai shtoi se një vëmendje e veçantë u kushtohet praktikave të studentëve, ku ka zbuluar se studentët kanë mbetur shumë të kënaqur dhe se kjo i ka bërë ta duan edhe më shumë profesionin e tyre. “Fakulteti i Shkencave Mjekësore, këtë vit e sheh veten më mirë se vitin e shkuar sepse ishte një vit fillestar, ishim pa përvojë dhe studentët dhe Fakulteti i Shkencave Mjekësore nuk kishte një emër deri atëherë. Por falë emrit që ka universiteti “Luarasi”, një emër shumë i mirë, një universitet i rankuar në pjesën më të mirë të universiteteve shqiptare, Fakulteti i Shkencave Mjekësore, vjet bëri një sfidë ku në pranimet e para kishim 220 veta në degët Farmaci, Stomatologji dhe Infermieri. Pra, Farmaci dhe Stomatologji, janë dy programe të integruara të Masterit në Fakultetin tonë, të hapura të reja, dhe Bachelori i Infermierisë bashkë me dyvjeçarin. Fakulteti i Shkencave Mjekësore ka një përvojë të mirë dhe këtë vit ecën më mirë. Deri tani në regjistrimet paraprake kemi një numër të konsiderueshëm rreth 20 persona, ndërkohë që regjistrimet vazhdojnë deri në fund të qershorit, korrikut e gushtit”. Profesor Bara u ka bërë thirrje maturantëve të jenë pjesë e universitetit “Luarasi”, duke sqaruar që është bërë gjithçka që ata të mbështeten
nga bursa ose me oferta, të cilat janë të favorshme. “Deri në fund të qershorit dhe korrikut kemi edhe oferta shumë të mira, madje edhe më të mira se vitin e shkuar, të cilat favorizojnë studentët në marrjen e bursave dhe pranimet. Kjo është një risi e universitetit “Luarasi”. Dhe studentët, të cilët marrin këto oferta, edhe vitet e tjera marrin bursa të mjaftueshme ekselence dhe studentë të mirë dhe sipas nevojave sociale, të cilat plotësojnë edhe një pjesë të buxhetit të tyre. Misioni ynë është të përgatisim studentë dhe të jemi në shërbim të tyre me cilësi të lartë, ekselentë, të përgatitur me një kulturë shkencore për ti shërbyer vendit dhe jashtë vendit”, nënvizoi dekani Bare. Stafi pedagogjik është vetëm një nga shtyllat kryesore të universitetit, por edhe infrastruktura
arsimore është e lakmueshme. “Ne kemi ajkën e pedagogëve të Shqipërisë për jetën akademike në degët tona, siç është profesoresha Rozarka Budana, një profesoreshë me përvojë të madhe në universitetin publik, tashmë kemi nderin ta kemi Shefe Departamenti me një përvojë për praktikat e studentëve për leksionet për të gjitha; me një përvojë mbi 15vjeçare profesor Sokol Paparisto. Edhe ambientet e ‘Luarasit’ që janë shumë të mira. Kemi kushte shumë të mira, të cilat edhe këtë vit janë përmirësuar. Kompania ‘Luarasi’ me në krye zotin Hysenbelliu, i cili kujdeset maksimalisht për rritjen e kushteve sociale-laboratorike, të cilat na çojnë drejt një zgjidhjeje të mirë dhe një niveli bashkëkohor të studentëve për të qenë të gatshëm për vendin tonë dhe jashtë”, deklaroi prof. dr. Bare.