Kompania “Starlink” e Elon Musk-ut ndihmon Ukrainën
Financimi për sistemin e komunikimit në Ukrainë, rreth 15 mln USD
Kompania “Starlink” e Elon Musk-ut ka vendosur në dispozicion të Ukrainës mijëra pajisje për lidhje satelitore. Kjo i ka shërbyer së tepërmi vendit që po lufton ndaj agresionit të Rusisë. Ekspertët thonë se Moska ka treguar interes të veçantë që në fillim të luftës për të ndërprerë sistemet ukrainase të komunikimit. Terminalet e kompanisë “Starlink” për lidhjen satelitore të internetit shërbejnë si një sistem rezervë kur rrjetet e internetit në Ukrainë dalin nga përdorimi. Prodhuar nga kompania “Spacex” e Elon Musk-ut, janë dërguar në Ukrainë mijëra nga këto pajisje të lëvizshme, që mundësojnë lidhjen me internetin. Nëpërmjet tyre koordinohet zjarri i artilerisë, drejtohen dronët, por edhe mundësohet komunikimi videofonik me programin “Zoom” në zonat e largëta të vendit. Terminalët e parë “Starlink” u aktivizuan në Ukrainë në 26 shkurt, vetëm dy ditë pasi filloi lufta. Sipas Zëvendëskryeministrit
ukrainas, Mykhailo Fedorov, vetëm në Chernihiv u shkatërruan nga lufta mbi 10 kilometra lidhje kabllore të komunikacioneve. Kompania lokale e internetit arriti të rikthejë shërbimin me vetëm një terminal “Starlink”. Sot, mbi 14 mijë terminale “Starlink” po funksionojnë në
mbarë Ukrainën, thotë Todd Humphreys, shkencëtar në Universitetin e Teksasit, që shërbeu si konsulent me kompaninë “Spacex”. Ai thotë se këto terminale janë jetike, pasi rrjeti në Ukrainë vazhdon të sulmohet nga forcat ruse. “Që nga fillimi i luftës, Rusia ka treguar interes të veçantë për ndërprerjen e linjave të komunikimit. E filluan luftën me një sulm kibernetik ndaj terminaleve ‘Viasat’ në mbarë Ukrainën. Sulmi i tyre ndikoi madje te terminalet ‘Viasat’ në mbarë Europën”, thotë zoti Humphreys. Hakerët rusë u përpoqën të sulmonin edhe terminalet “Starlink”, njoftoi në muajin maj zoti Musk. Por, sulmet nuk patën sukses. Ter- minalet “Starlink” u shërbe- jnë edhe civilëve. “Ukrainasit e përdorin sistemin ‘Starlink’ si lidhje për ‘Wi-fi’”, thotë Konstantin Naumenko, nga kompania “Vodafone” në Ukrainë. Sipas faqes së lajmeve “Politico”, Presidenti ukrainas, Volodymyr Zelen- skyy, gjithashtu e përdor sistemin “Starlink” për të publikuar informacion jetik në internet dhe për të bised- uar nëpërmjet programit “Zoom” me udhëheqësit botërorë, si me Presidentin francez, Emmanuel Macron dhe me Presidentin ameri- kan, Joe Biden.