Hartaeregjyqësore,olsiançela: Riorganizimi,nevojëemergjente
Shkresa për ministrin Manja: Lehtëson ngarkesën e dosjeve Drafti, Kryeprokurori: Në ndihmë të prokurorëve, oficerëve të Policisë Gjyqësore, administratës dhe shërbimeve mbështetëse
Në një kohë kur qindra avokatë kanë bojkotuar seancat gjyqësore, Prokurori i Përgjithshëm, Olsian Çela, shprehu dje mbështetjen institucionale ndaj hartës së re gjyqësore.
Dakordësinë ndaj draftit të ri kryepropurori e shprehu përmes një shkrese dërguar ministrit të Drejtësisë Ulsi Manja. Sipas tij, ky koordinim institucional pritet të lehtësojë ngarkesën e dosjeve. Në letër Çela vlerëson frymën e bashkërendimit dhe koordinimi ndërinstitucional në përballje me nevojat për të lehtësuar rritjen e ngarkesës dhe mbështetet veprimtarinë e prokurorëve me numër të reduktuar. “Në këtë vështrim sipas Kushtetutës dhe ligjit përfshihet sistemi i Pprokurorisë me ndikim në riorganizimin e prokurorive pranë Gjykatës së Shkallës së Parë dhe Prokurorisë pranë Gjykatës së Apelit me juridiksion të përgjithshëm sipas kompetencave të gjykatave, riorganizim të cilin e vlerësojmë si nevojë emergjente për përmirësimin e funksionalitetit, efecient në sistemin e prokurorive”, thuhet në shkresën e kryeprokurorit drejtuar ministrit Manja. Sipas Çelës, harta e re gjyqësore vjen në kuadrin e procesit të pritshëm që sjell rritjen e kapaciteteve akomoduese me ambiente pune për prokurorët, oficerët e Policisë Gjyqësore të seksioneve, administratës dhe shërbimeve mbështetëse në prokuroritë me juridiksion të përgjithshëm. Ky vendim i kryeprokurorit vjen në një kohë kur shumë gjykata të vendit janë në kaos, pasi avokatët po bojkotojnë seancat gjyqësore për shkak të hartës së re gjyqësore. Ministri i Drejtësisë Ulsi Manja është shprehur se bojkoti që po zhvillojnë avokatët kundër hartës së re gjyqësore është i papranueshëm, pasi po u mohojnë qytetarëve aksesin në drejtësi. Manja “këshilloi” avokatët që të shohin rrugën e përballjes ligjore, pas miratimit të hartës së re gjyqësore, ndërsa shtoi se janë marrë në konsideratë
sugjerimet e tyre. Mbyllja e 18 gjykatave të rrethit dhe apelit, pritet që të sjellë kosto të shtuara për qytetarët, ndërkohë që aksesi në drejtësi do të bëhet gjithnjë dhe më i vështirë. 13 gjykata të Shkallës së Parë, 2 gjykata Administrative dhe 1 gjykatë Apeli për të gjithë vendin. Ky është përfundimisht propozimi i Këshillit të Lartë Gjyqësor për hartën e re gjyqësore në vend pas muajsh konsultimesh me grupet e interesit. I vetmi ndryshim nga propozimi i kaluar është se është shtuar një Gjykatë e Shkallës së Parë në Sarandë që me propozimin e kaluar ishte hequr. KLGJ-JA ka miratuar draftin, i cili tashmë pritet të kalojë për mendim në Këshillin e Ministrave, Këshillin e Lartë të Prokurorisë, Prokurorisë së Përgjithshme dhe Ministrisë së Financave. Me vendimin e ri shkrihen gjykatat në Tropojë, Krujë, Lushnje, Pogradec, Krujë, Mat, Përmet, Kurbin, Kavajë, Pukë. Relacioni i Këshillit të Lartë Gjyqësor shpjegon se për të arritur në draftin me 13 gjykata të Shkallës së Parë nga 22 dhe në një apel nga 6 që kishte më parë ata kanë marrë modelet daneze, portugeze, suedeze, holandeze dhe modelin e Moldavisë. I vetmi ndryshim nga propozimi i kaluar është se është shtuar një Gjykatë e Shkallës së Parë në Sarandë që me propozimin e kaluar ishte hequr. Prej tri javësh, avokatët në mbarë vendin janë në protesta, duke bojkotuar seancat gjyqësore, ndërkohë që edhe opozita dhe Presidenti
e kanë kundërshtuar draftin. Ilir Meta është shprehur se ky riorganizim përpiqet të fsheh problematikat me të
cilat përballet sistemi i drejtësisë sot dhe nuk e zgjidh problemin e mungesës së gjyqtarëve dhe prokurorëve.
Për Presidentin, vetëm pas plotësimin të vakancave të krijuara me numrin e nevojshëm të gjyqtarëve,
mund të kishim një hartë të re gjyqësore, që mund të trajtonte rishpërndarjen e burimeve njerëzore.