Bylykbashi: Rama do t’i garantojë regjistrimin në KQZ fraksionit të Bashës dhe Alibeajt
Komisioni i Ankesave dhe i Sanksioneve vendosi dje të mos marrë në shqyrtim dy ankesat e grupimeve në PD për t’u regjistruar në zgjedhjet lokale të 14 majit.
Por Kryekomisioneri zgjedhor, Ilirjan Celibashi, sot do të zhvillojë një tjetër mbledhje për të vendosur nëse do ta regjistrojë apo jo PD- në e grupimit të Enkelejd Alibeajt. PD rrezikon të mos regjistrohet për zgjedhje, për aq kohë sa është deklaruar zyrtarisht se Lulzim Basha nuk do të hedhë firmën e kërkuar. Beteja për të pasur edhe simbolet e PD- së në fletën e votimit, nuk mbyllet këtu. Ajo do të rikthehet në Komision të Ankimimeve dhe Sanksioneve. Për ankimimin e bërë nga përfaqësuesi ligjor i Enkeled Alibeajt, dje relatori Koli Bele argumentoi se vendimi i komisionerit Celibashi që kërkoi plotësimin e dokumentacionit brenda 48 orëve nuk është i formës së prerë, por vendim i ndërmjetëm, për këtë arsye ligji nuk ua lejon të shprehen me vendim. “Komisioneri e ka detyrim ligjor që të shprehet me vendim për pranimin brenda datës 13.03. 2023, ora 10: 30, ose për rrëzimin e saj. Kjo do të thotë se KAS nuk mund të shprehet për themelin e kërkesave, pa u shprehur më parë KAS- i nuk ka kompetencë “për urdhërimin e regjistrimit si subjekt zgjedhor të ‘ Partisë Demokratike të Shqipërisë’ si instancë fillestare, sikurse i kërkohet nga ankuesi”, - deklaroi z. Bele. Sa i takon ankimimit të bërë nga grupimi tjetër, ai i Sali Berishës, Ilir Rusmajli si relatori i çështjes, përveçse sjell argumentin se nuk ka një vendim përfundimtar të kryekomisionerit Ilirjan Celibashi, iu kujtoi gjithashtu se ata nuk kanë asnjë interes legjitim e sa i takon vendimit të ndërmjetëm që urdhëron plotësimin e dokumentacionit për grupimin e Alibeajt. “Tek ky ur
Deputeti demokrat, Oerd Bylykbashi, akuzoi dje kryetarin e KQZ- së, Celibashi, se nuk ka respektuar ligjin për sa i përket regjistrimit të demokratëve në zgjedhje. Për “Panorama TV”, Bylykbashi deklaroi se Edi Rama do i garantojë regjistrimin në zgjedhje vetëm grupit të Bashës dhe Alibeajt. Sipas tij, kjo do të bëhet përmes Komisionit të Ankesave dhe Sanksioneve në KQZ. “Rama përpjekjen e ka bërë si të zhdukë opozitën, ta përçajë dhe të mos bëjë dot koalicion. Ka një qëndrim konstant të Edi Ramës. Zgjedhjet nuk i do ai. Ka një bosht logjik te kushdo. Ai nuk do zgjedhje dhe nëse i ka të domosdoshme, mund t’i bëjë edhe i vetëm. Ky është një sulm mbi Kushtetutën, mbi parimet ndërkombëtare për pluralizëm dhe zgjedhje demokratike. Nuk është historia brenda PD- së. Ka gjetur veglat e tij për ta kthyer në një situatë që zgjatet. E nisi me Lulzim Bashën dhe tani e vazhdon me Enkelejd Alibeajn. Synimi i Ramës është të mos regjistrojë PD- në. KQZ ka filluar të dështojë që në testin e madh të vetë. S’ka ndodhur kurrë që të mos regjistrohet opozita në zgjedhje. Celibashi do mbetet në histori si personi që refuzoi regjistrimin. Rruga është drejt kësaj. Është e pamendueshme, është e paligjshme ajo që ka bërë komisioner”, tha Bylykbashi. Deputeti i PD- së mohoi çdo mundësi bashkëpunimi me grupin e Alibeajt për zgjedhjet vendore të 14 majit. Bylykbashi theksoi se kandidatët e dalë nga procesi i “Primareve” i përkasin PD- së së drejtuar nga ishKryeministri Sali Berisha. Sipas tij, vendimi i Gjykatës Administrative të Apelit nuk ka hedhur poshtë strukturat drejtuese dhe vendimet e marra në Kuvendin e 11 dhjetorit. “Ne po marrim të gjithë masat për regjistrimin e koalicionit për PD- në. Janë në funksion të regjistrimit të koalicionit. Ajo që keni parë është se sa shpejt i kemi mbledhur firmat. Ne do i marrim të gjitha instrumentet që të garantojmë regjistrimin në zgjedhje”, deklaroi z. Bylykbashi. Ai tregoi se me cilat parti do të bëjë koalicion grupimi i Berishës. “Është çështje negociatash që do bazohet në parime, me qëllim rrëzimin e Edi Ramës. Qëndrueshmëria në kohë për veprimin politik. PD është një parti e madhe, parti luajale. Ne kemi bashkëpunim me PL dhe PBDNJ tashmë. Në këtë rreth elementësh, ne po shohim kush është përbërja më e mirë që koalicioni ynë dhe kandidatët tanë të garojnë për të fituar bashkitë”, tha deputeti i PD- së.