Bardhi, thirrje kreut të SPAK: Të rihapet dosja e Xibrakës!
“Nuk u arrestua miku i vëllait të kryeministrit”, Bardhi: Çfarë e implikon Olsi Ramën me laboratorin e drogës në Xibrakë
Bardhi denoncoi se vëllai i kryeministrit Edi Rama, Olsi Rama, ka lidhje me laboratorin e drogës në Xibrakë. Sipas Bardhit, në dosje përshkruhet një person që i ngjan Olsi Ramës dhe që ka përdorur të njëjtën makinë me trafikantët, por nuk është identifikuar nga policia. Bardhi shprehet se pjesëtari i organizatës kriminale në Xibrakë, që është i paidentifikuar, është Olsi Rama. Kjo, sepse në dosje është një 45- vjeçar, që ngjan me Olsi Ramën dhe ai ka përdorur të njëjtën makinë me trafikantët e që nuk është identifikuar nga policia. “Dua të theksoj së faktet që do paraqes janë në dosjen e prokurorisë, nuk është denoncim politik. Krahas 9 të arrestuarve, prokuroria në 8 mars 2016 ka proceduar bashkëpunëtorin e paidentifikuar dhe përfshirjen në aktivitetin kriminal. Pra, janë arrestuar të gjithë, përveç një personi. Ky person i paidentifikuar nga policia, një dite para arrestimit të grupit, ka qenë prezent në bazën e grupit kriminal, bashkë me tre drejtues. Ky person përshkruhet si dikush 45 vjeç, me flokë të shkurtra, AA653 DM. Olsi Rama në vitet 2014- 2015 ka qenë ekzaktësisht 45 vjeç. Olsi Rama sipas provave të TIMS është përdoruesi i automjetit me targa AA 653 DM”, - tha Bardhi. “Prokuroria dhe gjykata shqiptare kanë pranuar se personat e dënuar ( 9 shtetas, prej të cilëve 7 shqiptarë dhe 2 kolumbianë) nuk janë të vetmit persona që kanë qenë të përfshirë në këtë veprimtari kriminale. Në datën 08.03.2016 Prokuroria për Krime të Rënda ka ndarë
“Dua të theksoj së faktet që do paraqes janë në dosjen e prokurorisë, nuk është denoncim politik. Krahas 9 të arrestuarve, prokuroria në 8 mars 2016 ka proceduar bashkëpunëtorin e paidentifikuar dhe përfshirjen në aktivitetin kriminal. Pra, janë arrestuar të gjithë, përveç një personi. Ky person i paidentifikuar nga policia, një dite para arrestimit të grupit, ka qenë prezent në bazën e grupit kriminal, bashkë me tre drejtues
procedimin për “bashkëpunëtorët e paidentifikuar” duke e emërtuar me nr. 335/ 1 të procedimit, për të cilin ka vlerësuar se kishte nevojë për hetime të tjera lidhur me i dentifikimin e bashkëpunëtorëve të tjerë në këtë aktivitet kriminale për të cilët hetimet duhet të vazhdonin”, - shtoi ai. Bardhi gjithashtu zbuloi emrin e një individi, që thotë se ka qenë mik i Olsi Ramës dhe policia nuk e ka përmendur, edhe pse kishte lidhje me laboratorin e kokainës në Xibrakë. Bardhi deklaroi se Genci Xhixha nuk është identifikuar, sepse ka qenë mik i Olsi Ramës. “Nuk u arrestua për dosjen e Xibrakës Genci Xhixha, që u kthye nga rruga ditën kur u kryen arrestimet. Të gjithë të arrestuarit morën dënime minimale. Genci Xhixha nuk u gjend asnjëherë nga policia dhe është në kërkim. Ka një arsye. Kreu i organizatës të trafikut të kokainës ishte mik i Olsi Ramës, vëllai i Edi Ramës. Këto janë fakte që ndodhen në dosjen e Xibrakës. Në dosje provohet marrëdhënia e besimit mes Olsi Ramës dhe kreut të organizatës kriminale që merrej me trafik droge. Policia ka identifikuar çdo person, përpos një personi. Policia di pamjet e personit, di moshën, por nuk e ka identifikuar. Policia e identifikoi të dyshuarin si person që ka një makinë që i është identifikuar targa”, - deklaroi Bardhi. Nënkryetari i PD tha se Olsi Rama ishte ai që ka nxjerrë jashtë territorit shqiptar Genci Xhixhën. “45 minuta pas arrestimeve, makina me të cilin udhëtonte nuk është regjistruar në të dhënat e TIMS duke lënë dyshimin se mund të ketë nxjerrë Genci Xhixhën jashtë kufirit. Asgjë nga këto nuk është rastësi. Nuk ka rastësi kur me detaje e planifikuan transportin nga Kolumbia të drogës dhe laboratorin në Xibrakë. Makina me targa AA653 DBM nuk është e vetmja makinë që Olsi Rama përdori bashkë me të dhënat e grupit kriminal. Ata përdorën edhe dy automjete të tjera”, - theksoi Bardhi. Më tej, ai bëri thirrje që dosja e Xibrakës të rihapet dhe të hetohet roli që kishte Olsi Rama në laboratorin e drogës. “Të hapet sërish dosja ‘ Xibraka’, të hetohet roli i Olsi Ramës për laboratorin e drogës. I drejtohem kreut të SPAK, Altin Dumani, prova është dosja. Ndërsa për Edi Ramën kam një pyetje se përse krerët e organizatës kriminale përdorën me Olsi Ramën të njëjtën makinë. Thelbi i çështjes është se çfarë bën Olsi Rama në të njëjtën makinë, ku kanë udhëtuar edhe kriminelët. Është koha që kryeministri të provojë mjerimin e së vërtetës dhe të çlirohet nga banditët dhe trafikantët”, - tha Bardhi.