Sulmet e Metës ndaj SPAK, BE: Nuk janë të denja për një demokraci
Reagimi i ambasadorit Gonazati pas akuzave të kryetarit të Partisë së Lirisë, Ilir Meta, ndaj SPAK dhe kreut Altin Dumani
Bashkimi Europian i quan të padenja sulmet e ish- Presidentit Ilir Meta ndaj kreut të SPAK. Ambasadori i zyrës së BE- së në Tiranë, Silvio Gonzato, i pranishëm në një aktivitet në qytetin e Vlorës, foli dje në lidhje me akuzat e fundit të kreut të PLsë ndaj SPAK dhe kreut, Altin Dumani.
Gonzato u shpreh shkurt dhe prerë, se sulmet ndaj institucioneve të drejtësisë nuk janë aspak të denja për një vend demokratik. “Nuk mendoj se sulmet ndaj gjyqësorit janë të denja për demokracinë. Kemi folur, kështu që dua ta lë me kaq”, - deklaroi diplomati Gonzato. I pranishëm në Vlorë në aktivitetin “Garancia rinore” me të rinjtë, ambasadori i BE nuk ka dhënë deklarata të tjera, duke kërkuar të fokusohet thjesht tek aktiviteti i zhvilluar në ambientet e shkollës profesionale, industriale “Pavarësia”. SHBA- të dhe BE dënuan sulmet e lëshuara së fundmi kundër prokurorëve të posaçëm dhe të kreut të SPAK, Altin Dumani. Ambasada e SHBA me anë të një reagimi publik mbështet plotësisht deklaratën e mbajtur nga Këshilli i Lartë i Prokurorisë sa u përket sulmeve të drejtpërdrejta apo të tërthorta kundër SPAK. “Do të vazhdojmë të qëndrojmë në krah të shumicës dërrmuese të qytetarëve shqiptarë, që mbështesin institucionet e reja të drejtësisë dhe rolin kyç që ato luajnë në demokracinë e Shqipërisë. SHBA qëndrojnë në krah të profesionistëve të drejtësisë që respektojnë ligjin dhe do të mbështesë të gjithë ata që kërkojnë t’i japin fund pandëshkueshmërisë”, - thuhet në deklaratë. Edhe për delegacionin e BE- së këto sulme janë të papranueshme. “Sulmet apo intimidimet kundër anëtarëve të gjyqësorit nuk kanë vend në demokraci. Ne mbështesim
dënimin e Këshillit të Lartë të Prokurorisë të deklaratave të fundit të papranueshme publike të drejtuara kundër SPAK. BE qëndron pranë magjistratëve dhe profesionistëve shqiptarë të angazhuar në luftën kundër korrupsionit dhe krimit të organizuar”, - u shpreh zyra e BE- së në Tiranë. Ambasada
britanike në Tiranë me anë të një reagimi, veç mbështetjes së punës së SPAK, shprehet se Britania e Madhe do ndihmojë në ngritjen e kapaciteteve që SPAK të luftojë korrupsionin dhe krimin e organizuar. Sulmet ndaj kreut të SPAK, Altin Dumani erdhën nga kreu i Partisë së Lirisë, Ilir Meta, i cili gjatë emision
it “Opinion” e akuzoi se kishte takuar me ish- drejtuesin e dënuar të FBI- së, Charles Mcgonigal. Por kreu i SPAK, Altin Dumani reagoi menjëherë duke i hedhur poshtë këto pretendime, duke i cilësuar si të pavërteta, si dhe në vazhdën e akuzave të pabaza në adresë të institucionit që ai drejton.