Rikthimi i deputetëve në grupin parlamentar, PD kallëzon Nikollën në SPAK
“Shpërdoroi detyrën, cenoi interesin dhe vendimmarrjet e partisë” Basha nuk e do Gazment Bardhin në karrigen afër, kërkesë në Parlament: Në të majtë të jetë Agalliu, djathtas Kr eshnik Çollakun
Partia Demokratike depozitoi një kallëzim penal në SPAK ndaj kryetares së Kuvendit, Lindita Nikolla, me akuzën e shpërdorimit të detyrës. Kallëzimi i PD vjen pas vendimit të kreut të grupit të PD, Gazment Bardhi, për të rikthyer në grupin e PD të gjithë deputetët e përjashtuar nga Basha.
Në kallëzim thuhet se Nikolla ka shpërdoruar detyrën e kryetares së Kuvendit. Në padinë e depozituar shkruhet se në PD, personi i cili gëzon tagrin e përfaqësimit ndaj të tretëve është kryetari i partisë, Lulzim Basha, i cili pretendon se është njëkohësisht edhe kreu i grupit parlamentar me ndryshimet statutore të hyra në fuqi më datë 3 shtator 2023. Ndaj, thuhet në padi, Lindita Nikolla nuk duhet të lejonte që në protokollin e Kuvendit të regjistroheshin akte shkresore ku Gazment Bardhi reflektohet si kreu i grupit të PDsë, apo që aktet të përcilleshin për zbatim nga kryetarja e Parlamentit te strukturat në varësi të saj. “Duke filluar nga data 04 shtator, me leximin publik nga kryetarja e Kuvendit të ndryshimit të kryesimit të grupit parlamentar, të gjitha tagrat që i ishin deleguar deputetit Bardhi nga PD në cilësinë e drejtuesit të grupit parlamentar të saj konsiderohen të revokuara. Në mungesë të këtyre tagrave, apo të një akti delegues të tagrave të kryetarit të grupit parlamentar administrata e Kuvendit dhe veçanërisht kryetarja e Kuvendit nuk mund të lejonin që në protokollin e Kuvendit të regjistroheshin akte shkresore në të cilat deputeti Bardhi të reflektohej si kryetar i grupit parlamentar dhe aq më pak që këto akte të përcilleshin për zbatim nga kryetarja e Kuvendit te strukturat në varësi të saj”, - pretendon Basha. Kreu i PD- së thekson se pas seancës
plenare të datës 12 tetor 2022, Bardhi u nxor jashtë listës së deputetëve që përbëjnë grupin parlamentar të Partisë Demokratike. “Pas kësaj seance, deputeti Bardhi jo vetëm që nuk mund të identifikohej më nga administrata e Kuvendit si kryetar, por nuk mund të identifikohej as si deputet i grupit parlamentar të PD”, - theksohet në padi. Basha pretendon se Nikolla ka lejuar në protokollin e Kuvendit të administrohen akte shkresore të lëshuara nga një deputet që nuk gëzonte tagrat kreut të grupit dhe se ka ur
dhëruar administratën e Kuvendit që zbatonin kërkesat. “Në kundërshtim me qëndrimin zyrtar të Partisë Demokratike, të bërë publik nga kryetarja e Kuvendit, kjo e fundit dhe administrata e Kuvendit, në bashkëpunim me njëra- tjetrën kanë lejuar që në protokollin e Kuvendit të administrohen akte shkresore të lëshuara nga një deputet që nuk gëzonte tagrat e kryetarit të grupit parlamentar të PD, që këto akte të shpërndahen në administratën e Kuvendit dhe që kjo e fundit nën urdhërimin e kryetares së Kuvendit të kryente dhe zbatimin e kërkesave që prodhonin efekte ligjore te të tretët ( duke marrë si shembull këshilltarët e grupit parlamentar të cilëve iu ndërprenë marrëdhëniet e punës)”, - thuhet në padi.
DOKUMENTI
Kreu i PD- së, Lulzim Basha, ka kërkuar në tetor të vitit 2023 rikompozimin e vendeve në Kuvend, ku përmes një shkrese zyrtare i kërkon kryeparlamentares Lindita Nikolla që pranë tij të mos ulet më Gazment Bardhi, por deputeti Arbi Agalliu. Duket se afrimi i Bardhit me grupin e Berishës ka shkaktuar zemërimin e këtij të fundit, ku nga shkresa tregon se nuk e donte as t’i ulej afër në Kuvend. Basha gjithashtu ka kërkuar edhe ndryshimin e deputetëve të tjerë, por një kërkesë e tillë nuk është shqyrtuar, pasi të gjithë deputetët janë të ulur në vendet që mbajnë që nga marrja e mandatit. Shkresa e kësaj kërkese është zbardhur në denoncimin që Partia Demokratike zyrtare i bëri dje kryetares së Kuvendit, Lindita Nikolla, për shpërdorim detyre. “Më datë 11.10.2023, grupi parlamentar i Partisë Demokratike, përfaqësuar nga kryetari Lulzim Basha, me shkresën nr. 178 prot. datë 11.10.2023, drejtuar Kuvendit të Republikës së Shqipërisë dhe kryetares së Kuvendit, shtetases Lindita Nikolla, në mbështetje të nenit 16 pika 3 të Rregullores së Brendshme të Kuvendit, miratuar me vendimin nr. 166 datë 16.12.2004 ka përcjellë disa ndryshime në vendet dhe uljen për disa nga deputetët anëtar të grupit parlamentar të Partisë Demokratike si më poshtë vijon: Z. Arbi Agalliu zë vendin e z. Gazmend Bardhi dhe anasjellas, - z. Kreshnik Çollaku zë vendin e z. Agron Gjekmarkaj dhe anasjellas. Në koordinim me deputetë të tjerë ndryshimin e vendeve si më poshtë: Z. Selaudin Jakupllari zë vendin e z. Lefter Gështenja dhe anasjellas, znj. Andia Ulliri zë vendin e z. Asllan Dogjani dhe ansjellas, znj. Merita Bakiu zë vendin e z. Saimir Korreshi dhe anasjellas”, - thuhej në kërkesë.