Pjesëmarrja në Europian, përfituan vetëm katër kuqezinj
Balaj, Ajeti, Roshi e Aliji ndryshuan ekip
Europiani ishte trampolina e madhe në të cilën Kombëtarja shqiptare arriti me jo pak fat dhe vështirësi. Megjithatë, ishte mungesa e fatit që kuqezinjtë të mos e përfundonin aventurën vetëm pas tri ndeshjeve në fazën e grupeve. Në aspektin profesional, cilido prej lojtarëve që mori një ftesë nga De Biazi për të qenë në Francë, ka përfituar nga kjo eksperiencë. Edhe Aliji, lojtari i vetëm që nuk u aktivizua për asnjë minutë ( përveç portierëve Hoxha e Shehi), është shprehur se grumbullimi në një kompeticion të tillë i ka dhënë shumë përfitime, si në aspektin emocional, ashtu edhe në atë futbollistik. Shfrytëzimi
Mirëpo, kur vjen puna te merkato, ka vetëm pak kuqezinj që kanë ndryshuar ekip këtë verë, pavarësisht se jo të gjithë janë në skuadra të niveleve të larta. Në
këto momente të merkatos, vetëm katër nga kuqezinjtë kanë një tjetër ekip nga ai me të cilin kanë mbyllur sezonin e kaluar, përpara nisjes së Europianit. Bekim Balaj, Arlind Ajeti, Naser Aliji dhe Odise Roshi janë të vetmit kuqezinj që kanë arritur të sistemohen në ekipe të tjera për këtë edicion të ri. Sulmuesit shkodran nuk iu desh të priste shumë, pasi u transferua te Terek, ndërkohë që Europiani ishte në zhvillim. Ndryshe ndodhi me tre fu-
tbollistët e tjerë, zyrtarizimet e të cilëve erdhën pasi përfundoi aventura e Shqipërisë në "Francë 2016". Trampolina
Elseid Hysaj ishte një ndër lojtarët që rikonfirmoi formën e tij të mirë pas një sezoni fantastik me Napolin në Serinë A. Mbrojtësi pati fatin që të luante edhe si kapiten i Shqipërisë në ndeshjen e parë që pas momentit që Cana doli nga fusha e lojës me karton të kuq. Pas Europianit, Napoli u bind për të rinovuar me
lojtarin, edhe me një pagë me terma financiare të përmirësuar.
Merkato
Momentalisht ka disa lojtarë që janë lakuar për të ndryshuar ekip, por ende nuk ka pasur asnjë zyrtarizim. Ndonëse lojtarët ishin pjesë e arenës europiane të futbollit në tri ndeshje që Shqipëria zhvilloi në grupin A përballë Francës, Zvicrës dhe Rumanisë, kuqezinjtë nuk e kanë shfrytëzuar plotësisht një përvojë të tillë.