Notat e Bajernit
ULRAISH 5 - Në dy golat e para nuk mund të bëjë shumë. Por në goditjen e dënimit nga erdhi goli i tretë është në kohë vonesë. RAFINJA 5 - Trioja KudriashovNoboa- Poloz nga anët e tij nuk ka asnjë problem për të kaluar sa herë të dojë. Një mbrëmje për t'u harruar.
BOATENG 4,5 - Fajtor në dy gola të Rostovit: në të parin humbet dyshen Azmun-Poloz. Pastaj pengon Noboan në zonë në rastin e penalltisë. Mbrëmje për t'u harruar dhe për ta shtuar makthin, pëson edhe një tërheqje muskulore dhe detyrohet të largohet në pjesën e dytë. ( Nga 58' Humels 5,5 - Pak minuta pas aktivizimit të tij, Rostovi mbyll takimin dhe ai nuk mund të bëjë shumë). BADSHTUBER 5 - Tregon se i ka ende të rënduara këmbët pas pushimit të gjatë. E vuan shumë dyshen Azmun-Poloz. BERNAT 5,5 - Gjen golin e barazimit momental 2-2 dhe arrin që të mbërrijë në shumë raste deri në fundore. Problemi është se në fazën mbrojtëse topat nga krahu i majtë kalojnë kollaj.
SANÇEZ 5 - Një pjesë e parë premtuese nga ana e portugezit, duke parë se nga këmbët e tij lind edhe goli i avantazhit. Por për pjesën tjetër është një ndeshje e tmerrshme. (Nga 73' Myler 5 - Ka një çerek ore lojë në dispozicion për të ndryshuar ndeshjen, por këto kohë nuk po kalon ditët e tij më të mira).
LAHM 6 - I fundit që dorëzohet nga Bajerni. Provon të bëjë gjithçka është e mundur në mesfushë, por shokët nuk e ndihmojnë. TIAGO ALKANTARA 5 - Keq, herë pas here edhe shumë keq. Nuk arrin të luajë një top. Merret përpara nga Rostovi. DUGLAS KOSTA 5,5 - Ndeshje me disa fytyra. Zhbllokon ndeshjen, por pastaj i dhuron topin e barazimit Rostovit. Në pjesën e dytë përpiqet të bëjë gjithçka i vetëm për të hapur ndeshjen, por është shpesh i pasaktë. LEVANDOVSKI 5,5 - I vijnë pak topa të luajtshëm nga anët e tij. Nuk mund të fajësohet. RIBERI 5,5 - Aksion i shkëlqyer në barazimin 2-2 të firmosur nga Bernat. Për pjesën tjetër, nuk është mbrëmja e tij. Shumë në hije. TRAJNERI ANÇELOTI 5 - Pas startit fluturues, ka nisur rënia e lirë. Nuk i ka dhënë ende filozofinë e tij skuadrës. Bajerni dominon topin si me Guardiolën, por është konfuz dhe herë pas here duket pa busull dhe nuk di ku ta çojë sferën.