Dëmtohet Bejl, tronditet Reali
Rrezikon edhe Botërorin e Klubeve, trajneri Zidan pa lojtarin më të mirë
Garet Bejl trondit Rea lin e Madridit dhe trajnerin Zinedin Zidan. Mesfushori uellsian do të mungojë për gjashtë ndeshjet e ardhshme dhe në këtë mënyrë "galaktikët" nuk do të kenë të gatshëm një nga lojtarët më të mirë të momentit. Ai pësoi një dëmtim në ndeshjen ndaj Sportingut dhe e ka të pamundur të rikuperohet përpara datës 25 dhjetor. "Pas testeve dhe analizave të kryera, Garet Bejl është konfirmuar me dëmtim në kyçin e këmbës së tij të djathtë", shkruhej në njoftimin zyrtar të klubit madrilen. Skuadra nuk e ka njoftuar kohën që i duhet futbollistit për t'u rikuperuar.
Ndeshjet- Mediat raportojnë se 27-vjeçarit do t'i duhet afro një muaj pushim për t'u rikthyer sërish në fushën e lojës. Në këtë mënyrë, futbollisti që ka shënuar 5 gola deri tani në kampionatin spanjoll do të humbasë ndeshje të rëndësishme, mes tyre edhe atë ndaj Barcelonës. Bejl nuk do të jetë i gatshëm ndaj Gijonit, Kultural Leonesës, Barcelonës, Dortmundit,
Deportivos. Gazeta spanjolle "AS" raporton gjithashtu se Bejl mund të jetë në dyshim edhe për ndeshjet e Botërorit të Klubeve që do të luhet në muajin dhjetor dhe ndeshja e parë për Realin është në datën 15 dhjetor. Alternativat për Zidanin nuk mungojnë, sepse gjatë kësaj kohe
Reali ka pasur edhe mungesa të tjera të rëndësishme, por Zizu ka ditur gjithmonë të gjejë zgjidhjen dhe të ketë një ecuri shumë pozitive si në kampionat, ashtu edhe në Ligën e Kampionëve. Mëkati i vetëm i këtij dëmtimi është fakti që klasikja kundër Barcelonës ka humbur një yll si Bejl.