Alban Beqiri: Pas titullit, radhën e ka Kupa e Shqipërisë
Flet boksieri i Tiranës
Kampionati kombëtar u mbyll me një festë të dyfishtë për boksierin e Tiranës, Alban Beqiri. Kampion dhe sportisti më i mirë i aktivitetit. Në një intervistë për "Panorama Sport", Beqiri tregon se si ka arritur deri këtu dhe për objektivat në vijim, që është Kupa e Shqipërisë. Kampionatit i bëtë një mbyllje në mënyrën më të mirë të mundshme...
Ky ka qenë objektivi im për këtë sezon, titulli kampion dhe trofeu i sportistit më të mirë. Ndërkohë që rikujtoj se jam shpallur tetë herë kampion radhazi, 3 herë me të rinjtë dhe 5 herë me të rriturit.
Në ring u karakterizuat nga
qetësia. Është një taktikë e juaja?
Qetësinë në ring e kam fituar gradualisht. E kam përfituar prej mbrojtjes, një teknikë personale. Që i vogël, kur ushtroja këtë sport, e aplikoja. Por, veç qetësisë, kam edhe rezistencën.
Kë do të vlerësonit si duelin më të fortë, gjysmëfinalen apo finalen?
Më e forta ka qenë gjysmëfinalja. Tirana arriti të thyejë Vllazninë, çfarë ka bërë ndryshe këtë vit ky klub për të arritur te trofeu? Kemi bërë një stërvitje efikase dhe jemi grumbulluar sistematikisht. Falë trajnerit tim, Sead Bushati, ia dola me sukses. Trajneri ka kontribuar maksimalisht dhe me përkrahjen e tij e kemi realizuar objektivin final. Ju sapo jeni rikthyer me medalje edhe nga "Gongu i Artë" i Maqedonisë?
Po. Në këtë turne ndërkombëtar fitova medaljen e artë. Në fakt në karrierë unë kurorëzohem për të tretën herë në këtë event.
Si janë diferencat mes boksit shqiptar dhe atij ndërkombëtar? Krahasuar me nivelin e boksit të Ballkanit, them se jemi superiorë. Por edhe në ballafaqimet me shtete të tjera ne ngjitemi në ring me pretendime për medalje. Ndoshta me një mbështetje më të madhe nga federata, duke na mundësuar me pjesëmarrjet e shumta apo me grumbullime jashtë Shqipërisë, mund të shkojmë më lart.
Keni ndonjë pikë të fortë në ring?
E majta e drejtë është pika ime më e fortë.
Cila është gara juaj e radhës? Së afërmi kemi Kupën e Shqipërisë, ku edhe atje kemi objektiva. Plus kësaj është edhe një turne mesdhetar, ndoshta në Francë ose Turqi. Edhe aty synimet janë për medalje. Sa i përket Kupës, kemi disa mungesa për shkak të dëmtimeve si Anxhelo Merkohasanaj. Gjithashtu kemi një mungesë tjetër peshe, atë 81 kg. Por besoj se me këto pesha që kemi mbetur mund të fitojmë Kupën.