Lushnja rikthen biletat
Klubi ndryshon vendimin pas 5 javësh, ndaj Turbinës mungon Mikel Canka
Në 10 ndeshje: 7 fi tore dhe 3 baraz ime. Verdhejeshilët kanë 23 pikë nga 30 të mundshmet. Dhjetori servir edhe tre ndeshje. Duke iu referuar kalendarit, skuadra e teknikut Artan Bano i ka të gjitha mundësitë të jetë skuadra e 6-mujorit të dytë të vitit sa i përket futbollit të jugut. Një sezon kaq i mbarë nuk ishte parë prej vitesh në stadiumin "Roza Haxhiu". Për të filluar me sukses edhe dhjetorin, lushnjarët duhet të fitojnë sot ndaj Turbinës në shtëpinë e tyre. Në prag të sfidës me cërrikasit, një nga "veteranët" e verdhejeshilëve, Alban Byzhyti, shprehet: "Objektivi i skuadrës për këtë ndeshje është fitorja. Ne jemi të përgatitur për ta fituar këtë takim dhe kemi shumë besim se do t'i marrim tri pikët. Kundërshtari meriton të respektohet dhe ne do të japim maksimumin për ta mposhtur", është shprehur qendërmbrojtësi lushnjar Byzhyti.
Mungesat - Në seancën e djeshme stërvitore ka munguar goleadori i skuadrës Mikel Canka që vuan një dëmtim muskular dhe ende nuk është rikuperuar plotësisht. Sulmuesi 29-vjeçar do
të mungojë në ndeshjen e sotme. Nga ana tjetër te Lushnja rikthen mesfushorët Taullau pas dëmtimit dhe Alushi pas skualifikimit.
Biletat - Klubi lushnjar nëpërmjet sekretarit Olsi
Stambolliu ka konfirmuar se për ndeshjen e sotme hyrja nuk do të jetë e lirë, por me bileta. Në këtë mënyrë, në stadiumin "Roza Haxhiu" rikthehen biletat pas më shumë se pesë takimesh. Në takimet e mëparshme, hyrja ka qenë e lirë për të afruar sa më shumë tifozë në stadium. Për sa u përket çmimeve të biletave, ato janë të pandryshuara: 300 lekë për tribunën qendrore dhe 100 lekë për pjesën ballore. Atmosfera është shumë e mirë dhe kjo e pa në seancën e djeshme stërvitore, ku terreni ishte i rrethuar nga tifozët. Skuadra udhëheq bindshëm Grupin B dhe synon që në fund të kampionatit të presë biletën për në elitë.