Kamza për rekord, Besa në gjunjë
Falet Mario Morina dhe rikthehet në fushë, kavajasit të dorëzuar dhe të pafuqishëm
Kamza nuk njeh lim ite. Skuadra e drej tuar nga Bledar Devolli po shkon drejt rekordeve, ndërsa dje ka regjistruar fitoren e 11-të në po kaq takime. Në transfertën e djeshme kanë mjaftuar golat e Hysës dhe Bocit. Përballë ka qenë një Besë pa forcë, pa shpirt dhe mbi të gjitha pa ide për lojën. Vetëm një shtyllë e Priftit në minutën e 54-t ishte gjithçka që Besa bëri në këtë përballje. Në sfidën e djeshme ra në sy edhe përfshirja e Mario Morinës në formacionin e Kamzës. Lojtari është falur përfundimisht nga drejtuesit pas përplasjes që pati me trajnerin Devolli disa ditë më parë. Ndeshja
Besa e nis bukur takimin duke kërkuar të shtyjë përpara. Janë disa kombinime dhe aksione që bëjnë miqtë të mbrohen. Por, nuk zgjat shumë kjo situatë, pasi miqtë pas minutës së 15-të marrin veten dhe dalin në lojën e tyre. Hysa dhe Morina furnizohen tashmë me pasime diagonal të sakta duke ushtruar presion te porta e Besës. Për të ardhur te minuta e 25-të kur Turadi i lë gjithë hapësirën djathtas në zonë Hysës dhe ky i fundit nuk fal, godet dhe shënon. Miqtë nuk kënaqen nga ky gol dhe vazhdojnë të jenë më të qartë dhe luftojnë për çdo top. Një gjuajtje e Turadit në minutën e 37-të që kalon ngjitur me shtyllën pingule ishte i vetmi rrezik që shfaqën verdhezinjtë në këtë pjesë. Me fillimin e pjesës së dytë, kamzalinjtë vijojnë të jenë më agresivë në fushë përballë verdhezinjve që tregohen të pafuqishëm. U duk se diçka
ndryshoi kur Prifti diagonal me portën godet dhe shtylla pingule ndal golin e barazimit. Por, vetëm kaq, pasi Kamza vijon të dominojë ndeshjen. Miqtë nga Kamza shpërblehen me golin e dytë kur Boci godet fuqishëm një top të kthyer nga zona duke
dyfishuar shifrat. Këtu ndeshja mbaron për Besën, e cila nuk kishte forcë të reagonte. As lojtarët e freskët Hoxha dhe Frroku nuk e rritën dot lojën e vendësve. Kamzalinjtë të udhëhequr nga Devolli që përgjatë 90 minutave qëndroi në këmbë,
nuk e ulën ritmin dhe bënin presion deri te porta verdhezi. Në 10 minutat e fundit, ndërsa pritej që Besa të reagonte, është Kamza që tregohet agresive dhe godet përsëri disa herë drejt portës së Rexhepajt. Mbyllet kjo sfidë me fitoren e Kamzës.