Golden Steit rigjen buzëqeshjen

Golden Steit rikthen buzëqeshjen menjëherë pas hapit fals me Hjuston Rokets. Të udhëhequr nga “Splash Brothers” (Stefen Kurri e mbylli me 31 pikë, ndërsa Klei Tompson me 26 pikë), nënkampionët e NBA-së mposhtën me lehtësi Feniks San me shifrat 138-109. Uoriors përmirësojnë rekordin e klubit prej 106 ndeshjeve radhazi që nuk pësojnë më shumë se dy humbje radhazi. Përballë skuadrës së re të drejtuar nga trajneri Ërl Uatson, nuk ka pasur absolutisht histori takimi. Pesëshja e ëndrrave të Golden Steit funksionoi shumë mirë që nga starti duke i shkaktuar Sans humbjen e 14-të, ndërsa regjistrojnë suksesin e 17-të sezonal. Durant dhe Grinn rrisin intensitetin e lojës në periodën e dytë. Pas një epërsie të pjesshme 12-2 shkëputen në +21 pikë në sajë të një pushimi 12-2, zvarritje e tyre deri në +21. Më i miri për skuadrën mike ishte Bledso me 27 pikë të realizuara. Sharlot është dorëzuar në shtëpi 120-125 përballë Minesotës pas kohës shtesë. Heroi i ekipit të Timberulvs ishte Uigins me 29 pikë të shënuara, njëherësh spikati edhe Tauns me 27 pikë dhe 15 topa në tabelë. Humbja e tretë radhazi për Naxhets (e 13-ta në total). Denver regjistroi disfatën e radhës në transfertë me Jutah 105-98. Nuk mjaftojnë as 20 pikët e Çendler dhe Barton apo kuota dyshifrore e Nelson (13 pikë), Mudiai (12 pikë) dhe Fared (10 pikë). Kështu Denver humb sërish, ndërsa Xhaz është në delir përpara tifozërisë së saj me Heiuord si pikëshënuesin më të mirë, 32 pikë të shënuara. Në Konferencën e Lindjes, Toronto Reptors i shkaktojnë Atlantas humbjen e gjashtë radhazi dhe të nëntën në 10 ndeshjet e fundit. Ndërkohë Toronto nga ana e saj feston fitoren e gjashtë radhazi që i lejon asaj të bëjë presion për kreun e Konferencës, kampionëve të Klivlend Kavaliers. Të zotët e shtëpisë u udhëhoqën nga Kili Louri (17 pikë, 8 asiste dhe 8 topa në tabelë) dhe DeRozan (21 pikë). Atlanta praktikisht kurrë nuk ishte në lojë dhe vazhdimisht iu nënshtrua iniciativës së Raptors deri në finalen e madhe -44 pikë (128-84). Ka vuajtur më tepër nga sa parashikohej Boston në fitoren e ngushtë 107-106 jashtë fushe me Filadelfian. Siksers, pavarësisht mungesave të Embid, Kovington dhe Beiles “flirtuan” me suksesin, por në fund u dorëzuan përballë një “monstre” si Isaia Tomas, autor i 37 pikëve. Suksesi i katërt radhazi për Miliuokin, i cili dha më të mirën kundër Nets, 112-103. Baks i falen 20 pikë të Henson, 13 pikëve të Monro dhe 18 pikëve të Delavedovës). Pas fitores së bujshme të arritur një ditë më parë ndaj Kavaliers, Çikago Bulls shkon pikiatë në ndeshjen e radhës. “Demat” humbën me rezultatin e thellë në fushën e Maveriks 107-82.