Bruka: Ne dimë si t'i fitojmë ndeshjet e mëdha

Besëlidhja ka mbyllur dje për- gatitjet për ndeshjen ndaj Kamzës që do të luajë sot në transfertë në stadiumin e Krujës. Në prag të këtij takimi, që do të luhet ndaj rivalit direkt në garën për kreun e renditjes, trajneri Alban Bruka duket i qetë. "Ditët që patëm në dispozicion për t'u stërvitur i shfrytëzuam maksimalisht për të rikuperuar forcat dhe energjitë e humbura në ndeshjen e Kupës. Besëlidhja ka treguar se ndaj skuadrave të mëdha di të fitojë dhe për këtë ka dhënë prova direkte në fushën e blertë duke sfiduar Partizanin dhe Flamurtarin. Tashmë jemi të përqendruar totalisht te sfida e së dielës ndaj Kamzës, ndeshje të cilën e kemi vlerësuar maksifutbollistët malisht, pasi kjo skuadër udhëheq grupin tonë. Drejt Krujës ku do të zhvillohet kjo sfidë ne do të shkojmë me moral të lartë, çka do të na e lehtësojë mjaft menaxhimin e lojës gjatë gjithë kohës. Pozitive për ne është se gati të gjithë i kam në dispozicion, ndaj më jepet mundësia për të formatuar një formacion që do t'i përshtatet sa më mirë kundërshtarit. Ne shkojmë në Krujë për fitore dhe besoj se do ta arrijmë duke u bazuar te loja që bëjmë. Lufta jonë për të kapur kreun do të jetë e gjatë dhe e fortë, pasi konkurrenca sa vjen e ashpërsohet, por jam i bindur se hap pas hapi do ta shkurtojmë distancën me kreun dhe në fund do të triumfojmë", ka mbyllur Bruka. Takimi pritet të ndiqet nga një numër i madh tifozësh të Besëlidhjes, pasi klubi ka vendosur edhe autobusë në dispozicion të tyre. Preng Gjikola