Barleti Volej dhe Partizani, binomi i të pathyeshmëve
Të kuqtë e Tomorrit thyejnë Vllazninë në transfertë
Uluajt dje java e 9-të e Grupit A1 në vole jboll për femra, me kampionet e Barleti Volejt që mbeten sërish skuadra për t'u mposhtur. Skuadra e drejtuar nga trajneri Hasan Gurabardhi doli fitues në derbin e kryeqytetit 3-1 ndaj Partizanit. Me jo pak sforco, Barleti Volej ruan kryesimin me pikë të plota. Hapi fals i Partizanit i kushton vendin e dytë dhe tashmë zbresin të tretët duke bërë rokadë me Teutën. Durrsaket arritën dje në shtëpi një fitore të pastër ndaj Skënderbeut. Vendëset dominuan në lojë përgjatë gjithë takimit duke treguar superioritet ndaj kundërshtareve. Që në setin e parë, durrsaket treguan qartë se donin ta mbyllnin shpejt takimin përmes lojës më të saktë dhe agresive. Korçaret përpiqeshin shpesh për t'u prishur planet vendaseve, por pa mundur të ndryshojnë gjë. Fitoi edhe Tirana që mposhti 30 Elbasanin në transfertë me shifrat e pastra 3-0 dhe e ka merituar fitoren. Seti i parë u mbyll 5-25, me një diferencë të dukshme. Seti i dytë u mbyll sërish në favor të ekipit mik, kësaj here në shifrat 14-25. E njëjta gjë vijoi edhe në setin e tretë, pasi u mbyll 9-25 në favor të Tiranës. Bardheblutë ngjiten tashmë të katërtit në renditje. Sot luhet ndeshja Lushnja-Vllaznia, me shkodranet që synojnë një vend në "play off". Ndërkohë, te meshkujt, Partizani qëndron ende i pamposhtur këtë sezon pas 11 javëve të luajtura. Të kuqtë e trajnerit Ylli Tomorri dolën fitues edhe në kryesfidën e javës së luajtur në pallatin e sportit "Qazim Dervishi". Vllaznia është mundur 1-3. Dy setet e para janë fituar nga ekipi mik. Vllaznia rikthehet në lojë teksa fiton setin e tretë duke shpresuar për një përmbysje. Partizani nuk gabon më dhe fiton setin e katërt dhe krejt ndeshjen me rezultatin e përgjithshëm 3-1. Kjo humbje i zbret kuqeblutë të pestët dhe nga kjo përfituan bardheblutë e trajnerit Ilia Koja pas fitores 30 ndaj Teutës (25-19, 25-16, 2516) duke hyrë në zonën e "play off"-it. Skënderbeu ka shënuar humbjen e radhës në pallatin e sportit "Tamara Nikolla", me Farka Volej, 3-0. Vetëm seti i parë i takimit ka qenë disi rivalizues, duke u mbyllur 23-25 në favorin e miqve. Më pas kryeqytetasit nuk hasin asnjë rezistencë dhe e mbyllin në favor dhe ruajnë kështu vendin e dytë. Studenti ka mundur pastër Elbasanin 0-3. Seti i parë u mbyll në shifrat 13-25. Ndërkohë, në të dytin vendasit bëjnë pak rezistencë, por gjithsesi mundën sërish, kësaj here 19-15. Edhe seti i tretë foli më mirë për miqtë, që u mbyll 15-25. R.Gjini/S.Nikshiqi/
V.Mema/Ll.Saro