itorja e G-së nuk ra nga qielli, por ngrihemi

Luis Enrike dhe Barcelona e tij kanë shansin për të harruar ndeshjen dramatike dhe humbjen që pësuan në Paris. Katalanasit do të zbresin sot në fushën e lojës për të luajtur kundër Leganesit në orën 20:45. Në konferencën për shtyp përpara mediave, numri një i Barcelonës e pranoi faktin që skuadra bëri shumë gabime në Champions, ndërsa tani duhet të përqendrohet maksimalisht në kampionat. Mendoni se mund ta përmbysni humbjen e thellë kundër PSG-së? Do të luajmë pas shumë kohësh dhe gjithçka mund të ndodhë. Megjithatë, duhet të mendojmë ndeshjet e tjera që duhet të luajmë gjatë kësaj kohe dhe jo sfidën me Parisin. Të gjithë duhet të dimë diçka: rezultati i Parisit nuk erdhi nga qielli, por nga ajo që ata bënë në fushë. Merituan gjithç-

Kanë pasur rezultate shumë të mira gjatë kësaj kohe dhe na duhet të jemi të përqendruar maksimalisht për të marrë rezultat pozitiv.

Buskets dhe Iniesta kanë thënë se PSG-ja e fitoi ndeshjen taktikisht...

Unë nuk përgjigjem për ato që thonë të tjerët. Përgjigjem vetëm për deklaratat e mia. Për pjesën tjetër flas në dhomat e zhveshjes me lojtarët. Suarez ka thënë se nuk duhet të ketë dyshime mbi ju si trajner. Vazhdoj t'ju them se nuk kam dëgjuar asgjë nga ato që thonë të tjerët. Nuk i afrohem televizorit as 10 metra, madje edhe nëse jam i dehur. Mendoni që Reali do të gabojë gjatë kësaj kohe dhe sa shanse keni për kampionatin?

Nuk mund të parashikoj se çfarë do të bëjnë kundërshtarët tanë, por mendoj se sezoni është i gjatë dhe çdo skuadër mund të ketë ulje-ngritje. Ne fillimisht duhet të mendojmë t'i fitojmë të gjitha ndeshjet tona, pastaj të presim hapat falsë të kundërshtarëve.