Grumbullim në Durrës, sot nis anti-Vllaznia
Në prag të ndeshjes kundër Vllaznisë, pavarësisht se bardhekuqtë ende nuk kanë filluar nga përgatitjet, Daja ka bërë llogaritë e veta dhe duket se është i detyruar të heqë dorë nga Bajram Jashanica. Mbrojtësi ka plotësuar numrin e kartonëve dhe do të mungojë në Shkodër. Sigurisht me mungesën e Jashanicës duket se do t'i takojë Osmanit që të kthehet në prapavijë për të formuar dyshen e qendrës me kroatin Radas për të kompletuar repartin difensiv. Ndërkaq, në mesin e fushës pritet që Orelesi dhe Lilaj të formojnë treshen e mesfushës me një mes Muzakës, Gavazajt dhe Predeskut, gjë që do të vendoset në seancat stërvitore të kësaj jave nga ana e trajnerit Ilir Daja.