Flamurtari kundër arbitrave: Po na dënojnë me tendencë Vllaznia në alarm, “e sakatuar” kundër Skënderbeut
"S’u mjaftuan me zbritjen e 6 pikëve nga renditja?!"
Flamurtari ka shpre hur hapur pa kënaqësitë ndaj arbitrimit, duke hedhur dyshime se kemi të bëjmë me gabime tendencioze. Klubi vlonjat ka reaguar nëpërmjet një deklarate pas ndeshjes me Teutën për ankesën që kanë ndaj treshes gjyqësore të kryesuar nga Jemini. "Flamurtari, me anë të këtij reagimi, nuk kërkon alibi për rezultatin e regjistruar në ndeshjen me Teutën, por sheh se çdo ditë dhe më tepër gjykimi po bëhet faktor në kampionatin shqiptar. Edhe pse në situata dhe ndeshje të tjera vendimet e gjyqtarëve kanë ndikuar deri edhe në rezultatin e takimit, Flamurtari asnjëherë deri më tani nuk është marrë me vendimet e tyre, pavarësisht se në shumë raste ato kanë ndikuar negativisht në dëmin tonë apo mbarëvajtjes së garës. Pas ndeshjes me Teutën, klubi denoncon me forcë dy fakte shumë të rëndësishme. E mendojmë tendencioze që vendoset po kjo treshe gjyqtarësh në dy ndeshje rresht brenda katër ditëve për të gjykuar në ndeshjet e Flamurtarit, ndërsa vendimi për caktimin e tyre ka anashkaluar çdo rregullore për gjykimin", thuhet në deklaratë. Më tej, kanë shënjestruar momentin e 11-metërshit të akorduar dhe, më pas, të anuluar. "Momenti i paprecedentë i penalltisë në favor të Flamurtarit. Pozicioni i kryesorit është mjaft i afërt, por krejt në kundërshtim me rregulloren, gjyqtari anësor luan rolin e gjyqtarit pas porte, duke ndryshuar një vendim tashmë të marrë nga gjyqtari kryesor për 11 metërsh. Pamjet në momentin e penalltisë flasin vetë. Po sjellim në vëmendje vetëm këto dy fakte për të treguar qartë tendencën në dëm të Flamurtarit", nënvizon klubi.
Kërkesa - Në deklaratën e tij, Klubi i Futbollit Flamurtari kërkon që institucionet të marrin masa për situatën e krijuar nga gjykimi, pasi gjyqtarët po prishin garën dhe rregullat. "Kërkojmë mbi të gjitha vëmendjen e institucioneve përkatëse për situatën e krijuar, pasi gjyqtarët janë ata që po vendosin garën dhe prishin rregullat. Natyrshëm na lind një pyetje: Nuk u mjaftuat me heqjen e 6 pikëve? Deri në këtë nivel e keni çuar tendencën kundër Flamurtari Football Club?", thuhet në deklaratë. Fitorja me Korabin i ka kushtuar jo pak ekipit të Vllaznisë për sa u përket lojtarëve që janë ndëshkuar me kartonë. Mbrojtësit Endri Vrapi e Olsi Gocaj, si dhe mesfushori Ardit Krymi me kartonët e marrë ndaj Korabit janë të pezulluar për sfidën e radhës ndaj Skënderbeut. Në fakt, ata nuk do të jenë të vetmit të padisponueshëm, pasi u shtohet një listë e përbërë nga emra si Cicmil, Pjeshka dhe Kapaklia. Ndërsa Mulemi është në dyshim, duke qenë se pësoi një dëmtim në ndeshjen e kaluar dhe pritet të jepet aprovimi i mjekëve për formën e tij.
Mbrojtja - Ky do të jetë reparti me më shumë "dhembje koke" për trajnerin Cungu. Sikur të mos mjaftonin problemet me dëmtimet, pezullimet i dhanë edhe një goditje akoma më të rëndë klubit shkodran, i cili do detyrohet të bëjë "arnime" për ndeshjen ndaj kampionëve të Skënderbeut. I vetmi që e ka të sigurt pozicionin është Ditmar Bicaj, në qendër të repartit defensiv. Marku dhe Gurishta gjithashtu planifikohet të luajnë nga minuta e parë, si zgjidhje të detyruara. Por, dilemat janë se cili do aktivizohet përkrah Bicajt, duke e bërë akoma më të vështirë zgjedhjen që do të bëjë kreu i pankinës kuqeblu. Në një situatë alarmante, përballë një nga ekipeve më cilësore të kampionatit, Vllaznia do duhet të sakrifikojë më shumë se në çdo sfidë tjetër. Pikët janë me të vërtetë shumë të rëndësishme për shkodranët, të cilët duan që të sigurojnë sa më shpejt qëndrimin në Kategorinë Superiore, në një garë me të vërtetë të fortë. A.Uruçi