“All Star Game 2017”, triumfon Perëndimi
Rekord për "MVP"-në e finales, Entoni Devis me 52 pikë
Perëndimi shkruan emrin në palmares in e "All Star Game" për 2017-ën pasi mposhti në finalen e mbrëmjes së Yjeve përfaqësuesen e Konferencës së Lindjes me rezultatin e përgjithshëm 192-182 në Nju Orlins. Titulli i "MVP"-së shkon për idhullin e të zotëve të shtëpisë Entoni Devis me 52 pikët e realizuara duke u bërë kështu pikëshënuesi më i mirë në gjithë historinë e "All Star Game". Devis rrëzoi kështu nga froni Uilt Çemberlein që ka zgjatur që nga viti 1962, respektivisht 42 pikë. Armiqtë-miq Rasëll Uestbruk dhe Kevin Durant e mbyllën finalen magjike me 41 pikë të shënuara dhe tripletë dyshifrore (21 pikë, 10 topa në tabelë dhe 10 asiste). Në ndeshjen spektakolare të "All Star Game", ku u vendos edhe rekordi i rezultatit më të lartë të shënuar (pesë pikë më shumë se rekordi i mëparshëm i regjistruar në edicionin e kaluar), ylli ishte Entoni Devis. Ylli i skuadrës së Pelikans bëhet basketbollisti i pestë në 25 vitet e fundit që arrin të ngrejë trofeun e "MVP"së në të njëjtën qytet pas Xhon Stokton dhe Karl Malone në
vitin 1993, Shakil O'Nil në vitin 2004 dhe 2009, dhe Kobi Brajant në vitin 2011. Devis nënshkroi një rekord absolut të ri të pikëve në një ndeshje të vetme "All Star", +10 pikë nga legjenda Çemberlein. Ndërkohë, pikëshënuesi më i mirë ishte Rasëll Uestbruk, i cili veç 41
pikëve që shkroi në protokoll, u bë protagonist në dyshen me Durant me "show" e një "alley oop". Mes shokëve të ishskuadrës së "Thunder" më në fund siç duket ka ardhur edhe një "shkrirje e akullit" pas më shumë se gjysmë sezoni tensioni. Në përpjekje për të mbajtur
gjallë shpresat e Lindjes e të paktën tri periodave ka qenë 22vjeçari grek i skuadrës së Miliuoki Baks, Janis Antetokounmpo, i cili shënoi 30 pikë. Ndërsa LeBron Xhejms u ndal në kuotën e 23 pikëve duke luajtur vetëm 23 minuta lojë, megjithatë arriti të kalojë kufirin
e 300 pikëve të shënuara në total në "All Star Game". I pari që regjistron këtë objektiv deri këtë moment. Një performancë të kënaqshme bëri edhe shoku i skuadrës te Klivlend Kavaliers, Kiri Irving, me 22 pikë dhe 14 asiste.
Rekordi- "MVP"-ja i 2017-
ës shkroi historinë përpara tifozërisë së vet. Por misioni i ardhshëm është kuota e 100 pikëve. "Ka qenë një mbrëmje absolutisht fantastike. Ishte pikërisht ajo që i kisha vënë objektiv vetes përpara. Por pa dyshim një kontribut të madh më kanë dhënë edhe shokët e skuadrës. Në ndihmuan jashtëzakonisht. E doja mjaft trofeun e 'MVP'-së për këta tifozë, për këtë qytet dhe për këtë skuadër fantastike. Rekordi i pikëve? Fantastike, në ndeshjen e ardhshme të yjeve do të përpiqem të shënoj 100 pikë". Një ditë shumë e veçantë kjo e djeshmja për Entoni Devis.