Rekordi i Qypit, Zykaj: Më vjen mirë që jam frymëzim për të tjerët
Basketbollistja e Flamurtarit reagon pas thyerjes së rekordit
Përmbysje "froni" në harkun e vetëm pesë ditëve. Pasi basketbollistja Elektra Zykaj do të shkruante historinë në pikët e shënuara në një ndeshje të vetme, 79, pas ndeshjes kundër Apolonisë, përgjigjet Igena Qypi. Me një shifër të frikshme, plot 100 pikë, njëherësh rekord kombëtar. Titullarja e Goga Basket do të shpërthente të mërkurën ndaj Kamza Basket në fitoren e thellë 133- 25. Ndonëse festa e Zykajt zgjati vetëm pak ditë, titullarja e kampioneve të Shqipërisë e ka marrë me sportivitet. E pyetur dje në mbrëmje nga gazeta "Panorama Sport" nëse i erdhi
79 pikë shënoi basketbollistja e Flamurtarit, Elektra Zykaj, në ndeshjen e së shtunës kundër Apolonisë, e vlefshme për javën e 12- të dhe e fituar me shifrat e thella nga kampionet 121- 74.
keq për thyerjen e rekordit, Zykaj u përgjigj: "Absolutisht që jo. Përkundrazi, më vjen mirë që inspiroj njerëzit të bëjnë gjëra të mira në jetë, jo vetëm të këqija. Dhe përse jo të jem shembulli i tyre i basketbollit", shprehet fillimisht Zykaj. Ndërsa preferon të mos bëjë komente për
100 pikë shënoi në mesjavë basketbollistja e Goga Basket, Igena Qypi, në takimin e prapambetur mes durrsakeve dhe Kamza Basket ( 133- 25). Rezultat ky që hyn edhe në historinë e basketbollit shqiptar si rekord.
100 pikët e realizuara, Zykaj shton se në fushë nuk hyn të thyejë rekorde. "100 pikët? Nuk më takon mua të merrem me këto gjëra. Vetëm një gjë më pëlqen, që jam inspiruese. E përsëris edhe një herë, që nuk ndiej aspak keqardhje që u thye rekordi. Fare! Nëse e arrita si objektiv, e
bëra për qejf. Dhe realisht bëri kaq shumë bujë për shkak të aftësive të mia dhe arritjeve". E pyetur nëse do të tentojë sërish të vendosë rekord kombëtar në basketbollin shqiptar apo nuk e sheh këtë si garë personale, Zykaj shtoi se për të gara është te titulli dhe jo te rekordet. "Garë personale? Jo. Për mua personale janë trofetë dhe jo rekordet. Pra, gara për titull". Pas javës së 12-të skuadrat favorite respektuan parashikimet në përballjet respektive, duke u rikonfirmuar edhe të pamëshirshme. Ndërsa Goga Basket, e drejtuar nga trajneri Henri Moja, rikthehet në krye të klasifikimit me 21 pikë të grumbulluara, kampionet bëjnë rokadën me Tiranën për vendin e dytë, por me pikë të barabarta (20). Goga Basket mposhti Kamza Basket në Durrës 133-25, ndërsa kampionet vlonjate thyen po në fushën e tyre Apoloninë në shifrat 121-74.